13.10.2026 | 22:55
Նոր Արեշի տներից մեկում հրդեհ է բռնկվել
Արցախում մեկնարկել են միասնական քննությունները
Հասարակություն
02.07.2020 | 13:46
Արցախի Հանրապետությունում մեկնարկել են բարձրագույն ուսումնական հաստատությունների ընդունելության միասնական քննությունները. այս մասին տեղեկացնում են Արցախի տեղեկատվական շտաբից:
Ստեփանակերտում ձևավորվել է 6 քննական կենտրոն:
Քննական կենտրոններում և մերձակա տարածքներում «Համաճարակաբանության և հիգիենայի կենտրոն» ՊՈԱԿ-ի մասնագետների կողմից քննությունից մեկ օր առաջ կատարվել են ախտահանման աշխատանքներ:
Վարակազերծման միջոցառումները կշարունակվեն մինչև քննությունների ավարտը՝ հուլիսի 8-ը: Քննությունների օրերին՝ ժամը 8:00-13:00-ն, քննական կենտրոնները կապահովվեն նաև բուժսպասարկման անձնակազմով:
Գնահատման և թեստավորման կենտրոնը դիմորդներին տրամադրում է անհատական պաշտպանիչ միջոցներ՝ դիմակ, ձեռնոց, գրիչ, կենտրոններն ապահովված են ախտահանող նյութերով:
