15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ռուսաստանցի լրագրողի ձեռքը կոտրվել է, երբ նրան բռնի ուժով հեռացրել են ընտրատեղամասից. RT
Քաղաքականություն
02.07.2020 | 12:06
Ռուսաստանցի լրագրող Դեյվիդ Ֆրենկելը պնդում է, որ ոստիկանությունը կոտրել է իր ձեռքը Սանկտ Պետերբուրգի ընտրատեղամասերից մեկից բռնի կերպով դուրս բերելու ժամանակ, հայտնում է RT հեռուստաալիքը:
MediaZona-ի թղթակիցը հայտնել է, որ երեքշաբթի օրը իրեն բռնի ուժով հեռացրել են ընտրատեղամասից՝ տեղամասային ընտրական հանձնաժողովի հանձնարարությամբ:
Ներքին գործերի փոխնախարար Ալեքսանդր Գորովոյն ասել է, որ ոստիկանությունը միջադեպի վերաբերյալ նյութերը փոխանցել է Քննչական կոմիտեին, որպեսզի վերջինս կարողանա «արդյունավետ հետաքննություն» իրականացնել:
«Նրանք (խմբ. – ոստիկանության սպաները) բռնեցին թևիցս և ոլորեցին այն: Ես ընկա գետնին, և նրանք հարվածեցին աջ ձեռքիս: Արդյունքում ձեռքս կոտրվեց, և ես բարձր բղավեցի ցավից»,- պատմել է լրագրողը:
Նա պնդում է, որ միջադեպին ներկա են եղել որոշ դիտորդներ, որոնցից մեկը նույնիսկ քաշել է իր՝ արդեն կոտրված ձեռքը:
