12.01.2026 | 11:36
Սփյուռքի մեր հայրենակիցներին խաթարված ձևով է ներկայացվում ճշմարտությունը․ Զարեհ Սինանյան․ ՏԵՍԱՆՅՈՒԹ
ՀՔԾ-ում ստացել են դատախազ եղբայրների կողմից քննիչին ծեծի ենթարկելու վերաբերյալ նյութերը
Հասարակություն
24.11.2017 | 20:39
Հատուկ քննչական ծառայությունում այսօր ստացվել է նոյեմբերի 20-ին դատախազ եղբայրների կողմից Քննչական կոմիտեի ավագ քննիչին ծեծի ենթարկելու վերաբերյալ Գլխավոր դատախազությունից ուղարկված նյութերը:
Այդ մասին «Փաստինֆո»-ն տեղեկացավ ՀՔԾ խոսնակ Մարինա Օհանջանյանից:
Հիշեցնենք, որ ըստ հաղորդման՝ ավագ քննիչը դատախազ եղբայրների կողմից ծեծի է ենթարկվել Կենտրոն Նորք-Մարաշ վարչական շրջանների քննչական բաժնում:
Ըստ մամուլում շրջանառվող տեղեկությունների՝ 26-ամյա ավագ քննիչ Սուրեն Նազարյանը ծեծի է ենթարկվել դատախազներ 32-ամյա Նարեկ և Հայկ Խաչատրյանների կողմից: Դատախազները երկվորյակ եղբայրներ են:
Քննիչը մարմնի շրջանում ստացած վնասվածքներով տեղափոխվել է թիվ 1 համալսարանական հիվանդանոց:
Նշանակվել է դատաբժշկական փորձաքննություն:
