19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
ԵՄ-ն երկարաձգեց ՌԴ-ի դեմ սահմանված տնտեսական պատժամիջոցները
Քաղաքականություն
29.06.2020 | 21:48
Եվրամիությունը պաշտոնապես 6 ամսով երկարաձգել է Ռուսաստանի դեմ սահմանված տնտեսական պատժամիջոցները։ Այս մասին ասվում է ԵՄ Խորհրդի՝ այսօր տարածած հայտարարությունում, գրում է ՏԱՍՍ-ը։
«ԵՄ Խորհուրդն այսօր որոշում է կայացրել 6 ամսով՝ մինչև 2021 թվականի հունվարի 31-ը երկարաձգել Ռուսաստանի տնտեսության առանձին հատվածներին ուղղված պատժամիջոցները»,- ասված է հայտարարությունում։
Ավելի վաղ՝ հունիսի 17-18-ին տեսակոնֆերանսի ձևաչափով անցկացված գագաթնաժողովի ժամանակ պատժամիջոցները երկարաձգելու քաղաքական որոշում էին կայացրել ԵՄ անդամ պետությունների ղեկավարները՝ նշելով, որ մինչև հիմա Մինսկի համաձայնությունները չեն իրականացվել։
Պետական մասնակցությամբ նավթային, բանկային և պաշտպանական հատվածի ռուսական 15 ընկերությունների դեմ տնտեսական պատժամիջոցները Եվրամիությունը սահմանել էր 2014 թվականին՝ կապված Ուկրաինայի իրադարձությունների և ՌԴ-ին Ղրիմի միավորման հետ։ Դրանք մի քանի անգամ ընդլայնվել և երկարաձգվել են։
Ռուսաստանն էլ իր հերթին ԵՄ երկրներից մի շարք ապրանքների ներկրման արգելք է սահմանել։
