30.09.2026 | 10:02
Արտարժույթների փոխարժեքները՝ սեպտեմբերի 30-ի դրությամբ
ԱՄՆ-ի գլխավոր ավիաուղիների ղեկավարներն իրենց պահանջներն են ներկայացրել կառավարությանը
Տնտեսություն
28.06.2020 | 18:56
ԱՄՆ-ի գլխավոր ավիաուղիների ղեկավարները հանդիպում են ունեցել երկրի փոխնախագահ Մայք Փենսի ու վարչակազմի պաշտոնատար մի շարք այլ անձանց հետ. հաղորդում է VOA-ն:
Ավիաընկերությունների շարքում են United Airlines, Delta Air Lines, American Airlines, JetBlue Airways և Southwest Airlines ընկերությունները: Նշված ընկերությունները ցանկանում են, որ ԱՄՆ-ի կառավարությունն իրականացնի բոլոր ուղևորների ջերմությունը չափելու աշխատանքները: Վարչակազմը չի տեսնում որևէ խնդիր, որ այդ գործն իր վրա վերցնի Տրանսպորտի անվտանգության վարչությունը: Սակայն կան մի շարք հարցեր, որոնք դեռևս պատասխանների են սպասում: Օրինակ ի՞նչպես պետք է վարվել այն ուղևորների հետ, որոնց բարձր ջերմության պատճառով արգելում են նստել օդանավ և ով պետք է ֆինանսավորի ստուգման աշխատանքները:
Գլխավոր ավիաուղիների ղեկավարներն ասել են, թե այդ ուղևորներին իրենք կվերադարձնեն տոմսի ամբողջ արժեքը, եթե կառավարությունն իր վրա վերցնի ջերմությունը չափելու ամբողջ պատասխանատվությունը:
Օդագնացության արդյունաբերությունը կորոնավիրուսի համաճարակի պատճառով կրել է աննախադեպ կորուստներ, և այս բնագավառի պաշտոնատար անձինք տեղեկացրել են կառավարությանը, որ ջերմությունը չափելու և դիմակներ կրելու հանգամանքը օդային երթևեկության նկատմամբ մարդկանց վստահությունը վերականգնելու գլխավոր գործոններն են:
ԱՄՆ-ի կառավարությունն այժմ ուսումնասիրում է ներկայացված պահանջները: Օդագնացության արհմիությունը ակնկալում է, որ այդ նախաձեռնությունն իր վրա վերցնելով, կառավարությունը մեծապես կնպաստի օդագնացության արդյունաբերությանը:
