19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Հյուսիսային Եվրոպայում գրանցվել է ռադիակտիվ իզոտոպների ծավալի աճ. աղբյուրը գուցե ռուսական ատոմակայանն է. VOA
Քաղաքականություն
28.06.2020 | 18:19
Հյուսիսային Եվրոպայի երկրները տեղեկացնում են այս տարածաշրջանում ռադիոակտիվ մակարդակի աճ: Նիդերլանդների պաշտոնատար անձանց խոսքերով, դրա աղբյուրը կարող է լինել Ռուսաստանի արևմտյան հատվածում, ինչը «գուցե միջուկային ինչ-որ կայանում տեղի ունեցած անսարքությունն է»: Սակայն, ինչպես ռուսական ՏԱՍՍ լրատվական գործակալությունն է տեղեկացնում, պետական «Ռոսէներգոատոմ» միջուկային կայանի խոսնակն ասել է, թե Ռուսաստանի հյուսիսարևմուտքում գտնվող երկու ատոմակայններից որևէ մեկը չի հայտնել որևէ խնդրի մասին. գրում է VOA-ն:
Սակայն Ֆինլանդիայի, Նորվեգիայի ու Շվեդիայի ռադիոակտիվության և միջուկային անվտանգության հարցերով կազմակերպությունը հայտարարում է մարդու օրգանիզմի համար վտանգ չներկայացնող ռադիոակտիվ իզոտոպների ծավալի փոքր աճ, ինչը գրանցվել է նաև Արկտիկական հատվածում:
Նիդերլանդների Հասարակական առողջապահության ու շրջակա միջավայրի պահպանության ազգային ինստիտուտը վերլուծել է ստացված տվյալները, որոնք, ըստ հայտարարության, ցույց են տալիս, որ «ռադիոակտիվ իզոտոպները` ռադիոնուկլիդները գալիս են Ռուսաստանի արեւմտյան կողմից»: Հոլանդական գործակալությունը նշում է, որ «ռադիոնուկլիդները արհեստական են, այսինքն ստեղծված են մարդու կողմից: Այդ նուկլիդների ուսումնասիրության արդյունքը խոսում է միջուկային կայանի ռեակտորում ինչ որ վնասվածքի մասին:
Ռուսաստանը շարունակում է պնդել, որ նշված երկու ատոմակայաններն աշխատում են ամենօրյա ծավալով և չի գրանցվել որևէ սարքավորման խափանում: «Չեն գրանցվել նաև ռադիոնուկլիդների ծավալի աճ այդ հաստատությունների շրջակայքում»,- ասված է ռուսական կողմի հայտարարության մեջ:
