26.09.2026 | 15:37
Օդի ջերմաստիճանը սեպտեմբերի 28-29-ին կնվազի 3-5 աստիճանով
Թուրքիայի ԱԳՆ-ի կոշտ հակադարձումը ԵՄ հանձնաժողովի փոխնախագահին և Հունաստանի ԱԳ նախարարին
Քաղաքականություն
25.06.2020 | 22:50
Թուրքիայի արտգործնախարարության մամուլի խոսնակ Համի Աքսոյը կոշտ կերպով արձագանքել է նախօրեին ԵՄ հանձնաժողովի փոխնախագահ, ԵՄ արտաքին գործերի և անվտանգության քաղաքականության հարցերով Բարձր ներկայացուցիչ Ժոզեֆ Բորելի հայտարարություններին։
Խոսնակը կոչ է արել ԵՄ-ին և Հունաստանին Թուրքիային մեղադրելու փոխարեն ևս մեկ անգամ կատարել դաշնագրով սահմանված իրենց պարտավորությունները, ինչպես նաև հարգել փախստականների իրավունքները։
Նա «իրականությունից կտրված» է համարել Հունաստանի արտգործնախարարի՝ Էգեյան և Արևելյան Միջերկրական ծովի վերաբերյալ հայտարարությունները։
Նրա պնդմամբ՝ Հունաստանը և Կիպրոսի Հանրապետությունը արդեն «պետք է արթնանան այն երազից, որ Թուրքիային կարող են բանտարկել իր սահմանների մեջ»։
Նա հորդորել է հարգել Թուրքիայի «օրինական իրավուքներն ու շահերը» և Հունաստանին ակնարկել, որ իրենց հարցերը Թուրքիայի հետ պետք է լուծել բանակցության միջոցով։
Հիշեցնենք, որ Բորելը ասել էր, որ Հունաստանի ու Թուրքիայի, ինչպես նաև ԵՄ-ի համար ձեռնտու է առկա դժվարությունները հետևում թողնելը, ինչին ի պատասխան Հունաստանի ԱԳ նախարարը հայտնել էր, որ իրենք պատրաստ են Թուրքիայի հետ բանակցություններին, սակայն դրանք չեն կարող կայանալ օրենքի խախտումների ու սպառնալիքների ուղեկցությամբ։
