19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Ասում եք՝ ռեֆորմ չկա․ արտոնյալների խավերի բացակայությունը ռեֆո՞րմ է, թե՞ ոչ․ Մանուկյանը՝ Թանդիլյանին. ՏԵՍԱՆՅՈՒԹ
Տնտեսություն
25.06.2020 | 11:55
Այսօր Ազգային ժողովում «Իմ քայլը» խմբակցության պատգամավոր Արտակ Մանուկյանն անդրադարձավ «Լուսավոր Հայաստան» խմբակցության պատգամավոր Մանե Թանդիլյանի հնչեցրած քննադատությանը, որում, մասնավորապես, ասվում էր, որ այս իշխանության հիմնական խնդիրը ռեֆորմների բացակայությունն է։
«Տիկի՛ն Թանդիլյան, ասում եք՝ ռեֆորմ չկա։ Կարելի է հայտարարություն անել, բայց գնահատականը այդ հայտարարությունների իրատեսության, երբ այս շենքից դուրս գան, ամեն մեկը որոշակի կարող է գնահատել։ Հիմա նայում ենք 2019 թվականի կատարողականը։ Եթե մենք քանակական ցուցանիշով նայենք, կատարվել է 460 կմ ճանապարհի կառուցում։ Թվում է՝ սա աննախադեպ է, բայց ռեֆորմը նաև որակ է նշանակում։ Հիմա արդյո՞ք այն կատարողականները, որ տարատեսակ մարմիններ ստանում են, ընդունում են, նույն որակի է, ինչ նախկինում։ Արդյո՞ք սա արվել է առանց ռեֆորմի։ Հարցեր, որոնք, ինձ թվում է, հստակ պատասխան ունեն, բայց սրա պատասխանը տալիս է ժողովուրդը։ Ասում ենք՝ ռեֆորմ չկա, բիզնես խաղի կանոններին միասնականացումը, արտոնյալների խավի բացակայությունը ռեֆո՞րմ է, թե՞ ոչ»,- նշեց պատգամավորը։
Մանրամասները՝ տեսանյութում։
