29.04.2026 | 21:52
Թրամփը Սպիտակ տանը հանդիպել է էներգետիկ ընկերությունների ղեկավարների հետ
76,5 մլն դրամ՝ COVID-19-ը կանխելու նպատակով հանրային իրազեկման համար
Տնտեսություն
24.06.2020 | 22:13
Կառավարությունը հեռուստառադիոընկերություններին 76,5 մլն դրամ կհատկացնի նոր տեսակի կորոնավիրուսային հիվանդության (COVID-19) տարածումը կանխելու նպատակով հանրային իրազեկման աշխատանքներ իրականացնելու համար:
Կառավարության նախագծում նշված է, որ կորոնավիրուսային հիվանդության (COVID-19)-ի հետ կապված տնտեսական դժվարությունները կտրուկ նվազեցրել են հեռարձակողների գովազդային եկամուտները, ինչի պատճառով հեռարձակողները «Հայաստանի հեռուստատեսային և ռադիոհաղորդիչ ցանց» ՓԲ ընկերության կողմից մատուցվող վերգետնյա հեռուստառադիոհեռարձակման ծառայությունների դիմաց պարտքեր են կուտակել։ Ուստի անհրաժեշտություն է առաջացել 2020 թվականի պետական բյուջեով նախատեսված ՀՀ կառավարության պահուստային ֆոնդից ՀՀ վարչապետի աշխատակազմին հատկացնել 76.5 մլն դրամ` հեռարձակողներին աջակցելու նպատակով որպես մեկանգամյա ֆինանսական աջակցություն «Հայաստանի հեռուստատեսային և ռադիոհաղորդիչ ցանց» ՓԲ ընկերությունում պարտքերի մի մասը մարելու համար։
Համապետական սփռում ապահովող չորս հեռուստաընկերության կհատկացվի 10-ական մլն դրամ, Երևանում հեռարձակվողներին՝ 2,5 մլն դրամ, իսկ ռադիոընկերություններին և մարզային ՀԸ-ներին կես մլն դրամ:
Նարեկ Կիրակոսյան
