10.08.2026 | 09:35
ՆԳՆ ՓԾ Եղեգնաձորի հրշեջ-փրկարարական ջոկատը կգործի վարչական նորակառույց համալիրում
Լրագրող Գեղամ Մանուկյանի բնակարանի լուսամուտը վնասվել է, ըստ վարկածի՝ կրակոցից․ նա Ոստիկանություն է դիմել
Հասարակություն
21.06.2020 | 21:23
«Երկիր մեդիա» հեռուստաընկերության լրատվական-վերլուծական բաժնի տնօրեն Գեղամ Մանուկյանի բնակարանի հյուրասենյակի երկշերտ ապակին վնասվել է։ Վարկած է շրջանառվում, որ վնասվածքը կրակոցի հետևանք է։
Factor.am-ի հետ զրույցում Գեղամ Մանուկյանն ասաց՝ առավոտյան է հայտնաբերել լուսամուտի վնասվածքը։
«Պարզ է, որ այդ ձև քարի հարված չի լինում։ Երկշերտ պատուհան է, առաջին շերտը ծակել է, երկրորդին չի հասել։ Կամուկացի մեջ էի, բայց դիմել եմ Ոստիկանություն, մնացածը թող Ոստիկանությունը պարզի»,- ասաց նա։
Մանուկյանը պատմեց նաև, որ օրեր առաջ տարօրինակ բան է նկատել․ «Մի երկու օր առաջ ուժեղ ձայն եմ լսել ցերեկը, մտածել եմ՝ վերևից ինչ-որ բան ընկավ»։
Փամփուշտ չի հայտնաբերվել։ Գեղամ Մանուկյանը տեղեկացրեց նաև, որ ինչպես ինքը, այնպես էլ ընտանիքի անդամները չեն վնասվել։
«Որևէ գնահատական չեմ տալիս, վայելում եմ իմ կիրակնօրյա երեկոն»,- եզրափակեց նա։
Ռոբերտ Անանյան
