08.11.2024 | 19:00
Թրամփը գուցե զոհաբերի ԱՄՆ-ի դերը Կովկասում ՌԴ-ի հետ հարաբերությունը բարելավելու համար․ Համբիկ Սարաֆյան․ ՏԵՍԱՆՅՈՒԹ
Բելառուսում նախագահի այլընտրանքային թեկնածուների աջակիցների ակցիայի ժամանակ շուրջ 100 մարդ է ձերբակալվել
Քաղաքականություն
20.06.2020 | 21:44
Բելառուսի տարբեր քաղաքներում նախօրեին ավելի քան 100 մարդ է ձերբակալվել նախագահի թեկնածուներին համերաշխության ակցիայի արդյունքում: Այս մասին տեղեկացնում է Deutsche Welle-ի ռուսական ծառայությունը։
Նախագահական ընտրությունների նախաշեմին երկրում կալանավորվել են ընդդիմության մի շարք ակտիվիստներ և քաղաքական գործիչներ, այդ թվում՝ պետության ղեկավարի հավանական թեկնածու Վիկտոր Բաբարիկոն:
Մինսկում և մի շարք այլ քաղաքներում ակցիաներ են անցկացվել՝ ի պաշտպանություն հավանական այլընտրանքային թեկնածուների և նախկինում ձերբակալված ակտիվիստների: Առնվազն 80 մարդ է ձերբակալվել միայն Մինսկում, հայտնում է բելառուսական «Գարուն» իրավապաշտպան կենտրոնը:
Ձերբակալություններ են տեղի ունեցել Բոբրուսկում, Վիտեբսկում, Գոմելում, Գրոդնոյում, Մոգիլևում, Նովոպոլոտսկում և Օրշայում: Ըստ իրավապաշտպանների՝ ձերբակալվածների թվում կան լրագրողներ, ինչպես նաև օտարերկրյա երկու քաղաքացի: Ավելի ուշ ձերբակալվածների մի մասն ազատ է արձակվել, նշում է «Գարուն»-ը:
Բելառուսի նախագահը ընտրվում է յուրաքանչյուր 5 տարին մեկ: Այս ընտրությունները նշանակված են 2020-ի օգոստոսի 9-ին: 1994 թվականից ի վեր հանրապետությունը ղեկավարում էր Ալեքսանդր Լուկաշենկոն: Սա ընտրված պաշտոնում ամենաերկար պաշտոնավարումն է եվրոպական բոլոր պետությունների ղեկավարների շրջանում:
