17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Ցուցմունք չկա, որ Աբրահամ Մանուկյանը Ծառուկյանից գումար է վերցրել. պաշտպան. ՏԵՍԱՆՅՈՒԹ
Հասարակություն
18.06.2020 | 22:19
Հունիսի 18-ի Երևանի առաջին ատյանի դատարանի շենքից դուրս գալիս նախկին պատգամավոր Աբրահամ Մանուկյանը գրեթե չպատասխանեց դատարանի առջև նկարահանում իրականացնող լրագրողների հարցերին։
Նրա պաշտպան Հրանտ Անանյանն ասաց՝ Աբրահամ Մանուկյանին կալանավորելու գործի քննությունը հետաձգվել է մինչև հունիսի 19-ը ժամը 17։00-ն, քանի որ նյութերը ծավալուն էին: Աբրահամ Մանուկյանն այսօր ինքնակամ է ներկայացել կալանքի միջնորդության քննարկմանը: Պաշտպանն ասաց, որ Աբրահամ Մանուկյանը վկայություն տվել է, սակայն մանրամասներ չհրապարակեց:
Անանյանը նշեց, որ առերեսումներ Աբրահամ Մանուկյանի և իր դեմ ցուցմունք տված անձանց միջև չեն եղել. «Որևէ վկա չկա, որ ասի կամ ասել է այս գործի շրջանակում, որ ինքը պարոն Աբրահամ Մանուկյանից գումար է ստացել»:
Փաստաբանն ասաց նաև, որ Աբրահամ Մանուկյանի տանը խուզարկություններ են եղել, բայց գործի համար ապացույց համարվող ոչինչ չի հայտնաբերվել: «Ինչ-որ փաստաթղթեր վերցվել են, բայց դրանք գործի հետ կապ չունեցող են, քանի որ կալանքի միջնորդության հիմքում դրված չեն, վերցվել են`հետագայում ուսումնասիրելու համար»,- ասաց պաշտպանը:
Աբրահամ Մանուկյանը մեղադրվում է կաշառք տալուն օժանդակելու մեջ: Նշենք, որ այս գործը կապված է ԲՀԿ նախագահ Գագիկ Ծառուկյանի քրեական գործի հետ։
«Ցուցմունք չկա, որ Աբրահամ Մանուկյանը Ծառուկյանից գումար է վերցրել»,- շեշտեց պաշտպանը։ Կալանավորման միջնորդության հիմքում էլ մեկ անձի վկայություն է:
Մանրամասները՝ տեսանյութում։
Մերի Մարտիրոսյան
