13.01.2025 | 21:00
Հայաստանը հարուստ օրակարգ ունի Իրանի հետ. ՏԿԵ նախարարը՝ Մեջլիսի բարեկամական խմբի ղեկավարին
ԱԺ-ն սահմանեց բարձրաստիճան պաշտոնատար անձանց և պետական ծառայողների շրջանակը
Քաղաքականություն
18.06.2020 | 21:59
Ազգային ժողովը երկրորդ ընթերցմամբ և ամբողջությամբ ընդունեց Քրեական դատավարության օրենսգրքում փոփոխություններ կատարելու մասին և «Հատուկ քննչական ծառայության մասին» Հայաստանի Հանրապետության օրենքում փոփոխություն կատարելու մասին օրենքների նախագծերի փաթեթը:
Նախագծով նախատեսվում է սահմանել այն անձանց շրջանակը, որոնք քրեական դատավարության իմաստով համարվելու են բարձրաստիճան պաշտոնատար անձինք և պետական ծառայություն իրականացնող անձինք: Այսպիսով՝ բարձրաստիճան պաշտոնատար անձինք են ՀՀ նախագահը, վարչապետը, փոխվարչապետները, պատգամավորները, Բարձրագույն դատական խորհրդի անդամները և այլք, իսկ պետական ծառայություն իրականացնող անձինք են՝ ոստիկանության, Ազգային անվտանգության ծառայության, հարկային, մաքսային մարմինների և այլ կառույցների պաշտոնատար անձինք։
ՀՀ քրեական դատավարության օրենսգրքով սահմանված բարձրաստիճան պաշտոնատար անձանց իրենց պաշտոնեական դիրքի հետ կապված և չկապված հանցագործությունների վերաբերյալ գործերով նախաքննություն շարունակելու են իրականացնել Հատուկ քննչական ծառայության քննիչները:
Օրենքի նախագիծն Ազգային ժողովում ընդունվեց միաձայն՝ 99 կողմ ձայնով:
