21.05.2026 | 10:39
«Ռոսսելխոզնադզորը» մայիսի 22-ից արգելել է ծաղիկների ներմուծումը Հայաստանից
Թուրքական հատուկ ջոկատայիններն Իրաքում ՔԱԿ-ի ավելի քան 150 օբյեկտ են ոչնչացրել
Քաղաքականություն
17.06.2020 | 16:02
Թուրքիան Իրաքի հյուսիս հատուկ նշանակության ջոկատ, ռազմական ուղղաթիռներ և անօդաչուներ է ուղարկել։ Pençe-Kaplan գործողության շրջանակում հատուկ ջոկատայինները Հաֆթանին շրջանում Քրդական աշխատավորական կուսակցության (ՔԱԿ) օբյեկտներ են ոչնչացրել։ Այս մասին գրում է թուրքական «Անադոլու» գործակալությունը՝ վկայակոչելով Թուրքիայի Պաշտպանության նախարարությունը։
Նշվում է, որ գործողության իրականացման որոշումն ընդունվել է՝ ի պատասխան տարածաշրջանում թուրքական բանակի դեմ հարձակումների և գնդակոծությունների դեպքերի աճի։
Աղբյուրի փոխանցմամբ՝ գործողության առաջին փուլում ՔԱԿ-ի ավելի քան 150 օբյեկտ է ոչնչացվել՝ «Փոթորիկ» ինքնագնացների և զենիթահրթիռային համալիրների գործադրմամբ։
Թուրքիայի պաշտպանության նախարար Հուլուսի Աքարը վստահություն է հայտնել, որ հատուկ ջոկատայինները հաջող գործողություն կիրականացնեն Իրաքի հյուսիսային լեռնային շրջաններում։
