22.01.2026 | 17:27
Ջոկովիչը մտածում է «Մեծ սաղավարտի» 25-րդ տիտղոսի մասին․ «Հավատում եմ իմ ուժերին»
Ցավոք, առաջնագծում լինում են նաև նմանատիպ երևույթներ. ՀՀ պաշտպանության փոխնախարարը՝ զոհված զինծառայողների մասին
Քաղաքականություն
22.11.2017 | 14:59
Ծառայողական քննություն պետք է իրականացվի, որից հետո արդյունքները պարզ կլինեն: Ազգային ժողովում լրագրողների հետ զրույցում հայտարարեց պաշտպանության փոխնախարար Արտակ Զաքարյանն՝ անդրադառնալով այսօր առաջնագծում տեղի ունեցած ցավալի միջադեպին:
Հիշեցնենք՝ նոյեմբերի 21-ին՝ ժամը 18:35-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկի պահպանության տեղամասում ականապայթյունային մահացու վիրավորումներ են ստացել ՊԲ զինծառայողներ Գեղամ Կորյունի Զաքարյանը (ծնվ. 1995թ.), Սարգիս Գուրգենի Աբրահամյանը (ծնվ. 1998թ.) և Սարգիս Մհերի Մելիքյանը (ծնվ. 1997թ.): Զինծառայող, 1998թ. ծնված Նարեկ Հայկի Հովեյանը ստացել է ականապայթյունային վիրավորում: Նրա վիճակը գնահատվում է ծանր:
«Էս պահին կարևոր չի՝ ով ինչ է խոսում, օպերատիվ տեղեկատվություն ես պարտավոր չեմ լրատվամիջոցներին հայտնել»,- միջադեպի հետ կապված լրագրողների հարցին այսպես պատասխանեց Արտակ Զաքարյանը:
Հարցին, թե արդյոք մահացած զինծառայողների ընտանիքները կդառնան «1000 դրամի» հիմնադրամի շահառուներ, փոխնախարարը նշեց. «Ծառայողական քննության արդյունքում կպարզվեն բոլոր հանգամանքները։ Ամեն ինչն էլ ունի իր լուծումներն ու մեխանիզմները։ Ցավոք, այո՛, առաջնագծում լինում են նաև նմանատիպ երևույթներ։ Պետք է լիարժեք խորամուխ լինենք խնդրի մեջ, հետո արդեն պարզ կլինի՝ արդյոք որևէ մեկի մեղքո՞վ է եղել, թե՞ անզգուշության հետևանք է»:
Մանրամասները՝ տեսանյութում:
