24.04.2026 | 23:32
Կապանում ջրանջատում կլինի
Աշխարհում COVID-19-ով վարակման դեպքերը գերազանցել են 7․5 միլիոնը․ ո՞ր երկրներում է վարակը մարել․ worldometers․info
Քաղաքականություն
12.06.2020 | 23:02
Աշխարհում նոր տեսակի կորոնավիրուսով (COVID-19) վարակման դեպքերը գերազանցել են 7․5 միլիոնի շեմը՝ հասնելով 7․663․731-ի։ Մինչ օրս կորոնավիորւսից մահացել է 425․593 մարդ։ Վարակման ակտիվ դեպքերն աշխարհում 3․356․927 է։ Այս մասին հայտնում է worldometers.info վիճակագրական կայքը։
Վարակման ցուցանիշով առաջատարը շարունակում է մնալ ԱՄՆ-ն՝ 2․099․174 դեպքով։ Այն առաջատարն է նաև մահվան ելքերի ցուցանիշով (116.252): Երկրորդ տեղում Բրազիլիան է, որտեղ վարակման դեպքերը վերջին շրջանում ռեկորդային կերպով են աճում։
Այնտեղ այժմ 809․398 հաստատված դեպք կա։ Ռուսաստանը, որտեղ կորոնավիրուսի հաստատված դեպքերը գերազանցել են կես միլիոնը ( 511․423 դեպք ), 3-րդ տեղում է։ 4-րդ և 5-րդ հորիզոնականներում Հնդկաստանն ու Միացյալ Թագավորությունն են։ Վարակի համատարած բռնկմանը զուգահեռ՝ որոշ վայրերում արդեն հաջողվել է կորոնավիրուսից ազատվել։
Worldometer.info-ի փոխանցմամբ՝ դրանք են Մոնտենեգրոն, Նոր Զելանդիան, Վատիկանը, Ֆարերյան կղզիները, Սեյշելյան կղզիները, Ֆրանսիական պոլինեզիան, Մակաոն, Լաոսը, Ֆիջին, Պապուա Նոր Գվինեան։
Նելլի Մելքոնյան
