14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Ռուսաստանը, Իրանը և Թուրքիան Սիրիայի հարցով պայմանավորվածություններ են ձեռք բերել
Քաղաքականություն
21.11.2017 | 20:39
Սոչիում սպասվող Ռուսաստանի, Թուրքիայի և Իրանի նախագահների՝ Սիրիայի հարցով գագաթաժողովից առաջ հանդիպել են 3 երկրների ԶՈՒ գլխավոր շտաբերի պետերը. փոխանցում է EH-ն:
Ըստ թուրքական «Gazeteduvar.com» լրատվական կայքը, հղում անելով Ռուսաստանի պաշտպանության նախարարության հայտարարությանը, նշում է, որ հանդիպմանը պայմանավորվածություն է ձեռք բերվել «Իսլամական պետություն» և «Ալ Նուսրա» ահաբեկչական կազմակերպությունների՝ Սիրիայում մնացած վերջին խմբերի ոչնչացման վերաբերյալ: Նշվում է, որ այդ ուղղությամբ կոնկրետ գործողությունների պլան է մշակվել: Կողմերը պայմանավորվել են նաև բարձրացնել Սիրիայի Իդլիբ նահանգում իրականացվող գործողությունների համակարգումը:
Ռուսաստանի ԶՈՒ ԳՇ պետ Վալերի Գերասիմովը հայտարարել է, որ Սիրիայում ռազմական օպերացիաների ակտիվ փուլն ավարտվում է: Գերասիմովը, դիմելով Թուրքիայի և Իրանի պաշտոնակիցներ Հուլուսի Աքարին և Մուհամմեդ Բաքըրիին, ասել է. «Միասնական ջանքերով Սիրիայում շատ բան կարողացանք անել: Դրանցից ամենակարևորն այն է, որ պահպանվեց Սիրիայի ինքնիշխանությունն ու տարածքային ամբողջականությունը, ներքին պատերազմը հնարավոր եղավ դադարեցնել և փախստականների վերադարձի համար անհրաժեշտ պայմաններ ստեղծվեց»:
Բարձրաստիճան զինվորականների հանդիպմանը վաղը՝ նոյեմբերի 22-ին կհաջորդի 3 երկրների ղեկավարների հանդիպումը:
