19.09.2026 | 14:44
Բայանդուրում բազմաֆունկցիոնալ մարզադաշտ է կառուցվում
ԵՄ-ն Մինսկին կոչ է արել հանել Սերգեյ Տիխանովսկուն և մյուս ակտիվիստներին առաջադրված մեղադրանքները
Քաղաքականություն
09.06.2020 | 22:11
Եվրամիությունը կարծում է, որ Բելառուսի Քննչական կոմիտեի կողմից բլոգեր Սերգեյ Տիխանովսկուն և յոթ այլ ակտիվիստներին առաջադրված մեղադրանքներն անհիմն են, այդ պատճառով հարկավոր է հանել դրանք։ Բրյուսելում ճեպազրույցի ժամանակ DW-ի հարցին ի պատասխան՝ ասել է ԵՄ դիվանագիտության ղեկավար Ժոզեպ Բորելի պաշտոնական ներկայացուցիչ Պետեր Ստանոն։
«Պարոն Տիխանովսկու կամայական ձերբակալության և հետապնդման լույսի ներքո ԵՄ-ն նախկինի պես կոչ է անում անհապաղ և առանց լրացուցիչ պայմանների ազատ արձակել նրան, իսկ նրան և մյուս ակտիվիստներին առաջադրված մեղադրանքները հանել»,- հայտարարել է Ստանոն։
Տիխանովսկուն և մյուս ակտիվիստներին ՔԿ-ն մեղադրանք է առաջադրել Բելառուսի Քրեական օրենսգրքի 342-րդ հոդվածի հատկանիշներով (հասարակական կարգը կոպտորեն խախտող գործողությունների կազմակերպում և նախապատրաստում)։ Բոլորը ներկայում կալանքի տակ են։
Բելառուսի ՔԿ-ն պնդում է, որ մայիսի 29-ին Գրոդնոյում նախագահի թեկնածու Սվետլանա Տիխանովսկու առաջադրման օգտին անցկացված ստորագրահավաքի ժամանակ «անօրինական հանրային միջոցառման անցկացում է կազմակերպվել, որի ընթացքում հասարակական կարգը կոպտորեն խախտող խմբակային գործողություններ են իրականացվել՝ միլիցիայի օրինական պահանջներին ակնհայտորեն չենթարկվելու ուղեկցությամբ»։
