22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Հայաստանի և Ադրբեջանի նախագահների դեկտեմբերյան հանդիպման մասին քննարկում չկա. Էդվարդ Նալբանդյան
Քաղաքականություն
21.11.2017 | 13:21
Հայաստանի և Ադրբեջանի նախագահների դեկտեմբերյան հնարավոր հանդիպման մասին քննարկում դեռևս չկա: Այս մասին այսօր արտաքին գործերի նախարարությունում տեղի ունեցած ասուլիսին հայտարարեց ՀՀ արտաքին գործերի նախարար Էդվարդ Նալբանդյանը։ Նախարարն ընդգծեց՝ չնայած Ադրբեջանի, մեղմ ասած, որ կառուցողական մոտեցումներին, պետք է շարունակել բանակցային գործընթացը:
«Պետք է շարունակել բանակցությունները: Կարգավորման հիմնական տարրերը սեղանին են։ Ադրբեջանն ասում է` մեզ պետք չէ բանակցություններ անցկացնել հիմնական սկզբունքների շուրջ, իսկ դուք բեկումից եք խոսում: Չնայած այս ամենին Հայաստանը վճռական է տրամադրված, մենք երբեք չենք հրաժարվել հանդիպումներից»,- հայտարարեց Էդվարդ Նալբանդյանը։
Հիշեցնենք՝ Հայաստանի և Ադրբեջանի նախագահները վերջին անգամ հանդիպել էին հոկտեմբերի 16-ին Ժնևում։
