19.09.2026 | 12:12
ԱՄՆ-ը Դանիայի և Գրենլանդիայի հետ համաձայնագիր է կնքել՝ կղզու անվտանգության նկատմամբ «մշտական վերահսկողության» մասին․ Թրամփ
ՊԵԿ-ն ունի 168 մեքենա․ ժամանակն է ավտոբուսները նվիրաբերեք Երևանին․ Թանդիլյանը՝ ՊԵԿ փոխնախագահին. ՏԵՍԱՆՅՈՒԹ
Քաղաքականություն
08.06.2020 | 14:27
ՊԵԿ-ն ունի 168 մեքենա, և շատ անգամ պակաս՝ վարչություններ և ստորաբաժանումներ: Այս մասին այսօր ԱԺ տնտեսական ու ֆինանսավարկային և բյուջետային հարցերի մշտական հանձնաժողովների hամատեղ նիստում ՀՀ 2019 թ. պետական բյուջեի կատարման մասին տարեկան հաշվետվության քննարկման ժամանակ ասաց «Լուսավոր Հայաստան» խմբակցության պատգամավոր Մանե Թանդիլյանը:
«Եթե դուք անձնական մեքենա չունեք, ապա կարող եք օգտվել ՊԵԿ-ի երթուղային տաքսիներից, և իմ նշած մեքենաների 10 տոկոսը երթուղային մինի ավտոբուսներ են, որոնք ՊԵԿ-ի աշխատակիցներին տանում են, հավանաբար, տուն, բերում են, չգիտեմ՝ ինչի համար եք օգտագործում։ Ես կարծում եմ, որ որևէ գերատեսչություն նման արտոնություն չունի և, երևի, ժամանակն է՝ այդ ավտոբուսները նվիրաբերեք Երևանի քաղաքապետարանին»,- ասաց պատգամավորը։
ՊԵԿ փոխնախագահ Արթուր Մանուկյանը նշեց, որ դրանք սպասարկող մեքենաներ են, ծառայողական մեքենաներ վաղուց չկան ՊԵԿ-ում։ «Նվիրաբերելու առումով կմտածենք»,- ասաց Մանուկյանը։
Մանրամասները՝ տեսանյութում։
