19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Ի՞նչ իրավիճակ ունենք հարկային հավաքագրումների հետ կապված արտակարգ դրության պայմաններում․Ա․ Խաչատրյան. ՏԵՍԱՆՅՈՒԹ
Տնտեսություն
08.06.2020 | 13:29
2020 թվականի հունվար-մայիս ամիսներին պետական բյուջեի եկամուտները կազմել են 583 մլրդ 649 միլիոն դրամ, և սա, նախորդ տարվա նույն ժամանակահաատվածի համեմատ, ավելին է 2․3 տոկոսով: Այս մասին այսօր ԱԺ տնտեսական ու ֆինանսավարկային և բյուջետային հարցերի մշտական հանձնաժողովների hամատեղ նիստում ՀՀ 2019 թ. պետական բյուջեի կատարման մասին տարեկան հաշվետվության քննարկման ժամանակ ասաց ՊԵԿ փոխնախագահ Արթուր Մանուկյանը՝ ի պատասխան «Լուսավոր Հայաստան» խմբակցության պատգամավոր Արկադի Խաչատրյանի հարցին։
Պատգամավորը հետաքրքրվել էր, թե արտակարգ դրության պայմաններում ի՞նչ վիճակում են հարկային հավաքագրումները։
«Այս պահին չեմ կարող ասել՝ ինչ կլինի երկրորդ եռամսյակի կատարողականը, ծրագրված ցուցանիշը և նաև կիսամյակի, որովհետև դեռ չենք ավարտել այն, բայց բոլորս էլ շատ լավ գիտակցում ենք, որ արտակարգ դրությամբ պայմանավորված՝ տնտեսական գործունեության տեսակներ որոշակիորեն կասեցված են եղել, որոշ տեսակներ մասամբ, որոշ տեսակներ՝ ամբողջությամբ։ Միայն հսկիչ դրամարկղային մեքենաների իրացման շրջանառության մասով ասեմ, որ ունեցել ենք նախորդ նույն ժամանակահատվածի համեմատ 20 տոկոս նվազում»,- նշեց Մանուկյանը։
Մանրամասները՝ տեսանյութում։
