10.08.2026 | 18:29
Ուկրաինայի դատարանը փոխել է Զելենսկիի գրասենյակի նախկին ղեկավարի խափանման միջոցը․ նրան թույլատրվել է այցելել մի քանի մարզեր
Վարչապետը նախորդ քառօրյային է եղել այստեղ, մենք դիմակով ենք եղել. ԱՆ-ն պետք է ասի՝ խնդիր կա՞, թե ոչ. ՏԵՍԱՆՅՈՒԹ
Հասարակություն
01.06.2020 | 13:55
Առողջություն եմ մաղթում վարչապետին և իր ընտանիքին, ինչպես նաև բոլոր այն անձանց, ովքեր այս օրերին հաղթահարում են կորոնավիրուսի հետ կապված խոչընդոտները։ Այս մասին այսօր լրագրողների հետ զրույցում նշեց Աժ «Իմ քայլը» խմբակցության ղեկավար Լիլիթ Մակունցը։
«Նախորդ քառօրյային վարչապետը եղել է այստեղ, մենք դիմակով նստած ենք եղել, պետք է, որ խնդիր առաջացած չլինի։ Դա արդեն աշխատակազմն ու Առողջապահության նախարարությունը պետք է ասեն»,- ասաց Լիլիթ Մակունցը։
Նրա խոսքով՝ եթե Առողջապահության նախարությունն անհրաժեշտ համարի, որ Ազգային ժողովի պատգամավորները կորոնավիրուսի թեստ հանձնեն, ապա կհանձնեն։
«Այս համավարակը պատճառ է հանդիսացել, որ սկսենք մտածել նաև, անհրաժեշտության դեպքում, հեռավար նիստեր կազմակերպելու հետ կապված օրենսդրական նախագծերի շուրջ։ Այս պահին քննարկում ենք, թե ինչպես դա կարելի է անել։ Կան որոշակի խոչընդոտներ»,- նշեց Մակունցը։
Մանրամասները՝ տեսանյութում։
