20.01.2026 | 13:19
Ռուսաստանի նավթավերամշակման գործարաններ մղվող նավթի ծավալը նվազել է՝ հասնելով 15 տարվա ամենացածր մակարդակին
Ունեցել ենք դեպք, որ հանցավոր անփութության արդյունքում է անձը կարողացել սահմանը հատել․ Ա․ Դավթյան. ՏԵՍԱՆՅՈՒԹ
Հասարակություն
01.06.2020 | 13:48
Քրեական գործերով անցնող պաշտոնյաների՝ ՀՀ սահմանը հատելու յուրաքանչյուր դեպք ուսումնասիրվում է ՀՀ Գլխավոր դատախազության կողմից: ԱԺ նիստում այսօր Դատախազության 2019 թվականի տարեկան զեկույցը ներկայացնելիս ասաց գլխավոր դատախազ Արթուր Դավթյանը՝ անդրադառնալով «Իմ քայլը» խմբակցության պատգամավոր Տաթևիկ Հայրապետյանի հարցին։
«Իհարկե, շատ լավ հասկանում ենք դրա զգայունության աստիճանը, կոնկրետ իրավիճակում կոնկրետ թիրախավորված մեղավոր անձանց հայտնաբերումը, դրա ուղղությամբ պատասխանատվության միջոցների ձեռնարկումը: Մենք ունեցել ենք դեպքեր, երբ պարզվել է, որ անձի սահմանից ելքը արգելելն անօրինական կլիներ, հետևաբար, այստեղ որևէ մեկի մեղավորության խնդիր չէր կարող լինել։ Ստուգման արդյունքում ունեցել ենք նաև դեպքեր, երբ նույնիսկ պարզել էնք, որ հանցավոր անփութության արդյունքում է անձը կարողացել հատել սահմանը։ Այդ փաստով Դատախազության հանձնարարությամբ հարուցվել է քրեական գործ, և հիմա հատուկ քննչական ծառայության վարույթում իրականացվում է նախաքննություն: Այս ուղղությամբ մեր աշխատանքն ամենօրյա է»,- նշեց գլխավոր դատախազը:
Մանրամասները՝ տեսանյութում։
