11.12.2024 | 18:32
Մխիթար Հայրապետյանը ուղղորդե՞լ է Հակոբ Ասլանյանին «մեղայականով» հանդես գալ․ պատգամավորն ուշագրավ սքրինշոթեր է հրապարակել
«Հանրաքվեի մասին» օրենքում փոփոխության նախագծին կողմ քվեարկեց միայն «Իմ քայլը»․ նախագիծն ընդունվեց. ՏԵՍԱՆՅՈՒԹ
Քաղաքականություն
01.06.2020 | 11:13
Ազգային ժողովն առաջին ընթերցմամբ ընդունեց ԱԺ «Իմ քայլը» խմբակցության պատգամավոր Վահագն Հովակիմյանի հեղինակած Հանրաքվեի մասին սահմանադրական օրենքում փոփոխություններ և լրացումներ կատարելու մասին և կից ներկայացված օրինագծերի փաթեթը։
Նախագծին կողմ քվեարկեց 83, դեմ՝ 16 պատգամավոր։ Ի դեպ՝ նախագծին կողմ քվեարկեցին միայն «Իմ քայլը» խմբակցության պատգամավորները։
ԱԺ-ում ներկայացնելով նախագիծը՝ Վահագն Հովակիմյանը նշել էր, որ այն կարգավորում է արտակարգ կամ ռազմական դրության պայմաններում հետաձգված հանրաքվեի վերսկսման կարգը։ Պատգամավորի խոսքով՝ այս նախագծով նաև նախատեսվում է, որ խորհրդարանի կողմից արդեն իսկ նշանակված հանրաքվեն կարող է չեղարկվել, որը կարող է տեղի ունենալ բացառապես արտակարգ կամ ռազմական դրության պայմաններում։
Խորհրդարանը որոշեց նախագիծը քննարկել հատուկ ընթացակարգով, այսինքն՝ դրա երկրորդ ընթերցմամբ ընդունումը կազմակերպել առաջին ընթերցմամբ ընդունելուց հետո 24 ժամվա ընթացքում։
Մանրամասները՝ տեսանյութում։
