14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
Մի խումբ թափառող շներ հարձակվել են 2.5 տարեկան երեխայի վրա․ նա երկրորդ անգամ է վիրահատվել
Հասարակություն
31.05.2020 | 20:41
Գյումրիի «Մուշ» թաղամասում մի խումբ թափառող շներ հարձակվել են 2.5 տարեկան երեխայի վրա՝ նրան բազմաթիվ վնասվածքներ պատճառելով։ Այս մասին ֆեյսբուքում գրել է «Սուրբ Աստվածամայր» ԲԿ-ի խոսնակ Գևորգ Դերձյանը։
«Երեխային բազմակի կծած վերքերով տեղափոխել են Գյումրու Մոր ու մանկան ավստրիական հիվանդանոց, որտեղ վիրահատվել է, այնուհետև շտապ տեղափոխել Երևան՝ «Սուրբ Աստվածամայր» ԲԿ։
Այստեղ արդեն երեխան երկրորդ անգամ է վիրահատվել, ունի բազմաթիվ վնասվածքներ՝ դեմքի, վերջույթների և մարմնի այլ հատվածներում: Գտնվում է վերակենդանացման բաժանմունքում: Բժիշկները վիճակը գնահատում են ծանր, բայց կայուն»,- գրել է «Սուրբ Աստվածամայր» ԲԿ խոսնակը։
