19.09.2026 | 14:44
Բայանդուրում բազմաֆունկցիոնալ մարզադաշտ է կառուցվում
Թրամփը ցանկանում է G7-ի գագաթնաժողովը հետաձգել մինչև աշուն և հրավիրել Ռուսաստանին
Քաղաքականություն
31.05.2020 | 20:14
ԱՄՆ նախագահ Դոնալդ Թրամփը մտադիր է «մեծ յոթնյակի» (G7) գագաթնաժողովը հետաձգել մինչև աշուն ու հավաքին հրավիրել ևս չորս երկրի՝Ռուսաստանին, Հարավային Կորեային, Ավստրալիային և Հնդկաստանին։ DW-ի ռուսական ծառայության փոխանցմամբ՝ Թրամփը հայտարարել է, որ խմբի այժմյան ձևաչափը հնացել է։
«Ես հետաձգում եմ գագաթնաժողովը, քանի որ չեմ զգում, որ G7-ը ճիշտ է պատկերացնում՝ ինչ է կատարվում աշխարհում»,- ասել է նա։
Նշվում է, որ ԱՄՆ նախագահը նախկինում ևս առաջարկել է ընդլայնել G7-ը՝ դրանում կրկին ներառելով նաև ՌԴ-ին։
Սպիտակ տան մամուլի ծառայությունից հայտնել են, որ Թրամփը ցանկանում է, որպեսզի գագաթնաժողովի ժամանակ երկրները քննարկել Չինաստանի հարցը։
Հիշեցնենք, որ Ռուսաստանը կազմակերպության անդամ է եղել մինչև 2014 թվականը, երբ այն կոչվում էր «մեծ ութնյակ» (G8): Ղրիմի շուրջ ստեղծված իրադրությունից հետո Մոսկվային հեռացրեցին կազմակերպությունից և այն սկսեց կոչվել G7:
