13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Թրամփը սպառնում է ներքաշել բանակը, եթե բռնությունները շարունակվեն
Քաղաքականություն
31.05.2020 | 11:28
ԱՄՆ-ի մի շարք նահանգներում ու խոշոր քաղաքներում են այս օրերին շարունակվում բախումներ ոստիկանական ուժերի ու ցուցարարների միջև: Ձեռքերն արդեն իսկ շղթայված Ջորջ Ֆլոյդը մի քանի րոպե էր խնդրել ոստիկանին հանել ծունկն իր կոկորդի վրայից, բացականչելով, «չեմ կարող շնչել»: Սակայն ոստիկանն իր ծունկը նրա կոկորդի վրա է պահել 8 րոպե 46 վայրկյան, երբ դրանից արդեն մոտ երեք րոպե առաջ 46-ամյա Ֆլոյդն այլևս չէր շարժվում: Ծունկը հանելուց երկու րոպե առաջ մյուս ոստիկանը ստուգել էր Ֆլոյդի աջ դաստակը ու չէր կարողացել զգալ զարկերակային անոթը: Հիվանդանոց տեղափոխվելուց մեկ ժամ անց հայտարարվել էր Ֆլոյդի մահվան մասին:
ԱՄՆ-ի նախագահն ասում է, թե աջակցում է բողոքի խաղաղ ցույցերը, որոնք պահանջում են ոստիկանի կողմից սևամորթ ամերիկացու սպանության հարցով արդար դատավարություն: Սակայն, ասել է Դոնալդ Թրամփը, թույլ չի տրվի, որ իրադրությունը վերածվի անարխիայի ու քաոսի:
Կատարվածի համար պատասխանատու ոստիկանը ներկայումս ձերբակալված է: Դերեք Չովինը մեղադրվում է երրորդ կարգի սպանության և երկրորդ կարգի չկանխամտածված սպանության մեջ:
Նախագահ Թրամփը հորդորել է արագացնել հետաքննությունը: Նա հորդորել է նաև դադարեցնել բռնությունները ու թվիթերյան իր էջում հայտարարել, թե հակառակ դեպքում տեղ կհասցվեն բանակային ուժեր:
«Երբ սկսվում է թալանը, սկսվում են նաև կրակոցները»,- գրել էր նա իր էջում` առաջ բերելով զայրույթի նոր ալիք, քանի որ դրանք 1960-ականներին ռասիզմի մարտավարությամբ հայտնի Մայամիի ոստիկանության պետի խոսքերն էին: Թրամփի քննադատներն այժմ ասում են, թե Թրամփն է՛լ ավելի է հրահրում բռնություններ:
