17.06.2026 | 01:30
ԱԱ-2026․ Ֆրանսիան մեկնարկեց հաղթանակով, Մբապեի դուբլը. ՏԵՍԱՆՅՈՒԹ
Աշխարհում կորոնավիրուսի դեպքերը 6 միլիոնից ավելի են, 2․6 միլիոն մարդ արդեն ապաքինվել է․ worldometers.info
Քաղաքականություն
30.05.2020 | 16:37
Աշխարհում COVID-19-ի հաստատված դեպքերը գերազանցել են 6 միլիոնը։ Այս մասին տեղեկանում ենք worldometers.info վիճակագրական կայքից։
Վարակման դեպքերի թվով առաջատարն ԱՄՆ-ն է։ Այնտեղ մինչ օրս կորոնավիրուսի 1․793․530 վարակակիր է հայտնաբերվել։ Մահվան ելքերը 104․542-ն են։ Երկրորդ տեղում Բրազիլիան է՝ վարակման 468․338 և մահվան 27․944 դեպքով։ Վարակման դեպքերով 3-րդ տեղում հարևան Ռուսաստանն է։ Այնտեղ մինչ օրս կորոնավիրուսով վարակվել է 396․575 քաղաքացի։ Եվրոպական երկրների շարքում կորոնավիրուսից մահացության ամենաբարձր ցուցանիշը (38․161 մահ) գրանցած Միացյալ Թագավորությունը 5-րդ տեղում է՝ մինչ օրս գրանցած 271․222 դեպքով։
Կորոնավիրուսի բռնկման եվրոպական ամենամեծ օջախներից Իտալիայում վարակի տարածման տեմպը շարունակում է նվազել՝ հաստատված դեպքերի թիվը հասցնելով 232․248-ի։
Ընդհանուր առմամբ՝ աշխարհում կորոնավիրուսից մահացածների թիվը 367 հազարից ավելի է։ Վարակման ակտիվ դեպքերը, վերջին տվյալներով, գերազանցում են 3 միլիոնը։ 53 հազարից ավելի մարդ ծանր կամ ծայրահեղ վիճակում է։
Կորոնավիրուսից ապաքինվածների թիվը 2․6 միլիոն է։
Նելլի Մելքոնյան
