03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
SpaceX-ը վերացրեց ռուսական մենաշնորհը տիեզերագնացության ոլորտում
Քաղաքականություն
28.05.2020 | 22:46
Ամերիկյան SpaceX ընկերության տիեզերանավի արձակումը կարևոր իրադարձություն է, քանի որ սա վերջին 9 տարիների ընթացքում առաջին տիեզերագնացության փորձն է ԱՄՆ-ի տարածքից մասնավոր ընկերության իրականացմամբ: Մոսկվան ուշադրությամբ հետևում է գործընթացին. գրում է amerikayidzayn.com-ը:
2011 թվականից ի վեր ամերիկացի տիեզերագնացներն ապավինում էին Ղազախստանում գտնվող Բայկանուր տիեզերակայանի ռուսական «Սոյուզ» տիեզերանավերին ՝ տիեզերք հասնելու համար:
Վադիմ Լուկաշևիչը, ռուս անկախ փորձագետն ավիացիայի ոլորտում, ասում է, որ SpaceX- ի գործարկումը Ռուսաստանի տիեզերագնացության ոլորտի անկման վառ դրսևորումներից է:
«Ներկայումս մենք (Ռուսաստանը) բոլոր առումներով զիջում ենք Միացյալ Նահանգներին: Միակ բացառությունը տիեզերագնացներին տիեզերք հասցնելու ոլորտն էր, բայց դա կփոխվի այս շաբաթ », – ասում է նա:
Անցած ամիս Ռուսաստանի տիեզերքի հարցերով նիստում, ՌԴ նախագահ Վլադիմիր Պուտինը կոչ արեց ջանքեր գործադրել Ռուսաստանի տեղը տիեզերագնացության ոլորտում վերականգնելու համար:
Ռուսաստանի Ռոսկոսմոսի ղեկավար Դմիտրի Ռոգոզինը հանդիպման ընթացքում ասել է Պուտինին, որ տիեզերքի հարցերով գերատեսչությունը նախատեսում է նվազեցնել գներն իրենց տիեզերանավերի գործարկման ծառայությունների համար ավելի քան 30 տոկոսով` դրանք մրցունակ պահելու համար:
Նա շարունակեց մեղադրել SpaceX- ին ՝ գների իջեցման և ԱՄՆ-ի կառավարության կողմից ֆինանսավորման մեջ՝ հավելելով, որ ներկայումս տիեզերանավերի Ռուսաստանի ծառայությունները 1,5-ից 4 անգամ ավելի թանկ են, մասնավոր ընկերության գներից:
SpaceX- ի հիմնադիր Էլոն Մասկը նախկինում հայտարարել էր, որ իր ընկերության արձակած տիեզերանավերն ավելի էժան են, քանի որ իրենց օգտագործած տիեզերական հրթիռների 80 տոկոսը հնարավոր է կրկին օգտագործել հետագայում ՝ ի տարբերություն Ռոսկոսմոսի հրթիռների:
SpaceX- ի տիեզերանավի գործարկումը շատերի համար Ռուսաստանում ազդանշան է, որ ԱՄՆ-ն առաջ է անցել այս ոլորտում:
SpaceX- ը առաջին մասնավոր ընկերությունն է, որը տիեզերագնացներ կուղարկի տիեզերք: Նախկինում այս ծառայության մենաշնորն ունեին միայն Ռուսաստանի, ԱՄՆ-ի և Չինաստանի պետական մարմինները:
Վերջին անգամ ԱՄՆ-ի տարածքից՝ Ֆլորիդայից տիեզերագնացները մեկնել են առաքելության NASA- ի տիեզերանավային թռիչքի միջոցով 2011 թ-ի հուլիսին:
NASA- ն պայմանագրեր էր կնքել SpaceX և Boeing ընկերությունների հետ 2014 թ-ին `տիեզերագնացներին տիեզերք հասցնելու համար: SpaceX- ի Dragon և Boeing- ի Starliner հրթիռների մշակման ծրագիրը սակայն ձգձգվեց, որի ընթացքում ԱՄՆ-ը վճարում էր Ռուսաստանին ՝ տիեզերք NASA- ի տիեզերագնացներին գործուղելու համար:
