17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Իրանի խորհրդարանը նոր խոսնակ ունի․ 12 տարի այն ղեկավարում էր Ալի Լարիջանին
Քաղաքականություն
28.05.2020 | 16:18
Իրանի խորհրդարանը նոր ղեկավար ունի։ Պատգամավորներն այդ պաշտոնում ընտրել են Թեհրանի նախկին քաղաքապետ, ոստիկանության նախկին ղեկավար Մոհամմադ Բաղեր Գալիֆաբին, գրում է ՌԻԱ Նովոստին։
ԻԻՀ 11-րդ գումարման խորհրդարանը, որն ընտրվել էր փետրվարին, աշխատանքը սկսել է նախօրեին։ Գալիֆաբին խոսնակի պաշտոնում պատգամավորներն ընտրել են այսօրվա նիստում։
Նշենք, որ 2008 թվականից՝ 12 տարի շարունակ, Իրանի խորհրդարանը ղեկավարում էր Ալի Լարիջանին։ 2019 թվականի վերջին, սակայն, նա հայտարարել էր, որ չի պայքարելու պատգամավորական մանդատի համար, իսկ վերջերս էլ նշել է, որ պատրաստվում է դասավանդել համալսարանում։
Մոհամմադ Բաղեր Գալիֆաբը մի քանի անգամ առաջադրվել է որպես նախագահի թեկնածու․ 2005 թվականին, երբ ընտրություններում հաղթանակ տարավ Մահմուդ Ահմադինեժադը, 2013-ին, երբ այդ պաշտոնում ընտրվեց Հասան Ռոհանին, ինչպես նաև 2017 թվականին, երբ, սակայն, հանեց թեկնածությունը՝ հօգուտ Իբրահիմ Ռաիսիի, որն էլ քվեարկության արդյունքներով զիջեց Հասան Ռոհանիին։
