19.09.2026 | 15:06
Ջերմուկում հայտնաբերվել է կեղծ օղու 24 շիշ և 1738 տուփ ծխախոտ․ 31-ամյա տղամարդը ձերբակալվել է
Ըստ թուրքական ԶԼՄ-ների՝ Էրդողանը Թրամփին ասել է․«Առանց ձեզ Սիրիայի սահմանն ավելի ամուր է»
Քաղաքականություն
28.05.2020 | 13:15
ԱՄՆ նախագահ Դոնալդ Թրամփը, Սպիտակ տանը կազմակերպված մամուլի ասուլիսում, պատասխանելով լրագրողների հարցերին, անդրադարձել է նաև թուրք-սիրիական սահմանից ամերիկյան զորքերի դուրսբերման խնդրին. գրում է ermenihaber-ը:
Թրամփը հիշեցրել է, որ երբ ԱՄՆ-ն իր զորքերը հետ է քաշել թուրք-սիրիական սահմանից, բոլորն այդ քայլը սարսափելի են որակել։
Նա նշել է, որ նախօրեին հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։ Վերջինս նրան հայտնել է, որ առանց ամերիկյան զորքերի թուրք-սիրիական սահմանին իրավիճակը բավական լավ է։
«Մենք պահում էինք Թուրքիայի և Սիրիայի սահմանը։ Այժմ ցանկանում ենք, որ մեր զինվորները տուն վերադառնան։ 1 տարի առաջ, երբ այս որոշումն ընդունեցի, քննադատեցին։ Այժմ նրանք են իրենց սահմանները պահում։ Մենք պաշտպանեցինք նավթը, սակայն կարգավորելու ենք նավթի հետ կապված խնդիրները և դուրս ենք գալու այնտեղից (Սիրիա-խմբ․)»,-ասել է Թրամփը։
Թրամփի այս հայտարարությունների շուրջ թուրքական լրատվամիջոցները գրել են, թե Էրդողանը Թրամփին ասել է՝ «առանց ձեզ Սիրիայի սահմանն ավելի ամուր է»։
