11.06.2026 | 12:34
Նոր ատոմակայանի կառուցման հետ կապված աշխատանքներ ենք իրականացնում, տեսակի ընտրությունը կատարել ենք․ ՏԵՍԱՆՅՈՒԹ
COVID-19-ի դեմ պատվաստանյութի ստեղծման համար արդեն ավելի քան 9.5 մլրդ եվրո է հավաքագրվել
Քաղաքականություն
26.05.2020 | 20:10
SARS-CoV-2 նոր կորոնավիրուսի դեմ պատվաստանյութերի և դեղամիջոցների մշակման համար միջոցների հավաքագրման գլոբալ արշավի շրջանակում արդեն 9.5 մլրդ եվրո է հավաքագրվել։ DW-ի ռուսական ծառայության փոխանցմամբ՝ այս մասին հաղորդել է Եվրահանձնաժողովի ղեկավար Ուրսուլա ֆոն դեր Լյայենը։
«Հրաշալի արդյունք է, մենք հասել ենք Եվրահանձնաժողովի գլխավորած «Գլոբալ պատասխան» մարաթոնի առաջին խոշոր հանգրվանին»,- Twitter-ում գրել է ԵՀ նախագահը։
Ուրսուլա ֆոն դեր Լյայենը մայիսի 4-ին դոնորների միջազգային առցանց համաժողով էր կազմակերպել, որին, ի դեպ, ԱՄՆ-ն հրաժարվել է մասնակցել։ Առաջին փուլում հավաքվել է 7.4 մլրդ եվրո, այնուհետև անհատ անձինք, հիմնադրամներն ու երկրների կառավարությունները շարունակել են նվիրատվություն անել։
Այս նախաձեռնության նպատակն է գլոբալ մակարդակով համակարգել ուսումնասիրությունները՝ կորոնավիրուսի դեմ պատվաստանյութերի և դեղամիջոցի մշակման նպատակով։ Երբ նման դեղամիջոցներ ստեղծվեն, դրանք հասանելի կլինեն բոլոր երկրներին, այդ թվում՝ աղքատ։
