17.06.2026 | 01:30
ԱԱ-2026․ Ֆրանսիան մեկնարկեց հաղթանակով, Մբապեի դուբլը. ՏԵՍԱՆՅՈՒԹ
«Գազպրոմ»-ը Վրաստանի համար 15%-ով կնվազեցնի գազի գինը
Քաղաքականություն
26.05.2020 | 19:38
Վրաստանի իշխանությունները վերանայել են ռուսական «Գազպրոմ» ընկերության հետ գործող պայմանագիրը և պայմանավորվել շուրջ 15%-ով նվազեցնել ներկրվող գազի գինը։ ՏԱՍՍ-ի փոխանցմամբ՝ այս մասին լրագրողներին հայտնել է Վրաստանի էկոնոմիկայի և կայուն զարգացման նախարար Նաթիա Թուրնավան։
«Հաշվի առնելով ուժգնացող մրցակցությունը և այն, որ աշխարհում նավթամթերքի համաշխարհային գները նվազում են, մենք այսօր վերանայել ենք «Գազպրոմ»-ի հետ պայմանագիրը, ինչը կնպաստի գազի գնի նվազմանը։ Կոմերցիոն գաղտնիքը հաշվի առնելով՝ հստակ թվեր չեմ նշի, սակայն ասեմ, որ բնական գազի գինը շուրջ 15%- կնվազի»,- ասել է նախարարը։
2019 թվականի ապրիլին Վրաստանի էկոնոմիկայի և կայուն զարգացման նախարար Գեորգի Քոբուլիան հաղորդել էր «Գազպրոմ»-ի հետ փոքր քանակությամբ գազ գնելու վերաբերյալ պայմանագիր կնքելու մասին։ 2019թ․ Վրատանը ՌԴ-ից 160 մլն խորանարդ մետր գազ է գնել, ինչը կազմում է ներկրման ընդհանուր ծավալի շուրջ 5%-ը։ Այս տարի Թբիլիսին պատրաստվում է ռուսական ընկերությունից շուրջ 170 մլն խորանարդ մետր գազ ներկրել։
Նշենք, որ Վրաստանը ՌԴ-ից գազ չի գնում 2006 թվականից։ Այս երկիրը ստանում էր միայն Հայաստան տարանցվող ռուսական գազի ընդհանուր ծավալի 10%-ը։ 2017 թվականից ՌԴ-ն տարանցման համար Վրաստանին վճարում էր գումարով և մասամբ՝ հումքով, իսկ 2018 թվականին՝ միայն գումարով։
