10.08.2026 | 10:40
Քաղաքացին սապբորդինգի ժամանակ ուժեղ քամու հետևանքով չի կարողացել վերադառնալ ափ. օգնության են հասել փրկարարները
Քանի դեռ շանս կա ինչ-որ բան թանկ վաճառելու, շատ արագ պետք է վաճառենք. Մարության. ՏԵՍԱՆՅՈՒԹ
Տնտեսություն
26.05.2020 | 17:43
Չափից շատ է քաղաքապետարանի կողմից վաճառվող հողամասերի գինը բարձր: Այս մասին, այսօր՝ մայիսի 26-ին Երևանի ավագանու նիտում իր ելույթում նշեց ԲՀԿ խմբակցության անդամ Մարկոս Հարությունյանը:
«Դրանով ավտոմատ երկրորդական շուկայում գինը արհեստական բարձրացնում ենք, փուչիկ ենք փչում: Օրինակ՝ Աջափնյակում հող է վաճառվում քաղաքապետարանի աճուրդային ցանկով, բոլորը ասում են՝ եթե քաղաքապետարանն է այս գնով ծախում, դե պատկերացրեք, թե հողն ինչ գին կունենա: Մանավանդ, որ 2021-ից այդ թանկացումներն ունենալու ենք»,- ասաց նա:
Ի պատասխան քաղաքապետ Հայկ Մարությանն ասաց. «Խոսքը մեր եկամուտների մասին է, և մենք մաքսիմալ մեծ եկամուտ պետք է ստանանք տարածքների վաճառքից: Բայց ուզում եմ նաև ձեզ, ցավոք սրտի, վստահեցնել, որ թե՛ հողերի, թե՛ անշարժ գույքի գները մեծ անկում են ապրելու մոտակա ժամանակները: Այնպես որ, քանի դեռ հնարավորություն ունենք ինչ-որ բան բարձր գնով վաճառելու, շատ արագ պետք է վաճառենք»:
Մանրամասները՝ տեսանյութում:
Նարեկ Կիրակոսյան
