12.12.2024 | 19:30
Արարադատության «ճիրաններում». սպանության գործը 8 տարի անց քննվում է զրոյից․ ՏԵՍԱՆՅՈՒԹ
Փաշինյանը ճեպազրույցներ կտա պարետատան նիստերից հետո
26.05.2020 | 17:40
Կառավարությունից հայտնում են, որ «մայիսի 26-ից սկսած ՀՀ վարչապետ Նիկոլ Փաշինյանը պարետատան նիստերից հետո պարբերաբար հանդես է գալու բրիֆինգով (ճեպազրույցով), որին այս անգամ կմասնակցեն նաեւ փոխվարչապետ, պարետ Տիգրան Ավինյանը եւ առողջապահության նախարար Արսեն Թորոսյանը»:
«Բրիֆինգը նվիրված է լինելու բացառապես կորոնավիրուսի համավարակին, վերջինիս կանխարգելման ուղղությամբ պարետատան քայլերին, առողջապահական համակարգի վերազինմանը եւ այս թեմայով այլ հարցերի», – հաղորդում են կառավարության մամուլի ծառայությունից:
«Բրիֆինգն անցկացվելու է առցանց: Յուրաքանչյուրի ընթացքում վարչապետը եւ մյուս մասնակիցները պատասխանելու են երկու հարցի: Վարչապետի լրատվական ծառայությունը յուրաքանչյուր բրիֆինգից առաջ կապ կհաստատի երկու լրատվամիջոցի հետ՝ վերջիններիս հետաքրքրող հարցերը ստանալու նպատակով, որոնք կհնչեցվեն ուղիղ եթերում», – ասված է հաղորդագրության մեջ:
Բրիֆինգներն ուղիղ եթերում հեռարձակվելու են Հայաստանի Հանրային հեռուստաընկերությամբ՝ բաց կապուղիով, ՀՀ կառավարության յութուբյան պաշտոնական ալիքով, վարչապետի եւ կառավարության ֆեյսբուքյան պաշտոնական էջերով:
Այսօր բրիֆինգը կմեկնարկի ժամը 19:00-ին:
