08.11.2024 | 21:44
ԵՄ-ն կշարունակի Ուկրաինայի զինված ուժերի վարժական առաքելությունը
Պուտինը կարգադրել է Հաղթանակի օրվա շքերթն անցկացնել հունիսի 24-ին
Քաղաքականություն
26.05.2020 | 16:58
ՌԴ նախագահ Վլադիմիր Պուտինն այսօր պաշտպանության նախարար Սերգեյ Շոյգուի հետ տեսակոնֆերանսի ռեժիմով անցկացված հանդիպման ժամանակ կարգադրել է Հաղթանակի օրվա շքերթն անցկացնել հունիսի 24-ին։ Այս մասին տեղեկանում ենք Kremlin.ru-ից։
Մայիսի 9-ին Երկրորդ աշխարհամարտում տարած հաղթանակի 75-ամյակի կապակցությամբ նախանշված շքերթը, հիշեցնենք, հետաձգվել էր կորոնավիրուսի համաճարակի պատճառով։
«Կարգադրում եմ սկսել նախապատրաստվել Մեծ Հայրենական պատերազմում հաղթանակի 75-ամյակին նվիրված զինվորական շքերթին մայրաքաղաք Մոսկվայում և Ռուսաստանի այլ քաղաքներում։ Մենք դա կանենք հունիսի 24-ին, այն օրը, երբ 1945 թվականին տեղի ունեցավ հաղթողների լեգենդար պատմական շքերթը»,- ասել է Վլադիմիր Պուտինը։
ՌԴ նախագահը կարգադրել է նաև շքերթի նախապատրաստման և անցկացման ժամանակ ապահովել անվտանգության ամենախիստ միջոցառումները։
«Դրա բոլոր մասնակիցների համար վտանգը պետք է հասցվի նվազագույնի, իսկ ավելի լավ է՝ բացառվի»,- հավելել է նա։
Իսկ «Անմահ գնդի» շքերթը Վլադիմիր Պուտինն առաջարկել է անցկացնել դրանից մեկ ամիս անց՝ հուլիսի 26-ին։
