11.06.2026 | 12:45
200 դրամ աջակցություն՝ ծիրանի 1 կգի արտահանման համար, 250 դրամ` դեղձի, 400 դրամ` կեռասի. փոխնախարար․ ՏԵՍԱՆՅՈՒԹ
ԱՀԿ-ն դադարեցնում է կորոնավիրուսի բուժման համար հիդրօքսիքլորոքվինի փորձարկումը. The Guardian
Քաղաքականություն
26.05.2020 | 16:42
Առողջապահության համաշխարհային կազմակերպության ղեկավար Թեդրոս Հեբրեյեսուսը հայտարարել է, որ կազմակերպությունը դադարեցնում է կորոնավիրուսի բուժման համար հիդրօքսիքլորոքվինի և քլորոքվինի փորձարկումները։ Այս մասին հայտնում է The Guardian-ը։
ԱՀԿ ղեկավարը նշել է, որ տվյալ դեղամիջոցների կապված մտահոգությունները միայն COVID-19-ին են վերաբերում, և դրանք շարունակում են անվտանգ համարվել աուտոիմուն հիվանդություններ և մալարիա ունեցողների համար: Թեդրոս Հեբրեյեսուսը նշել է, որ նման որոշում ընդունվել է «Լանցետ» բժշկական ամսագրում վերջերս կատարված հետազոտության մասին հրապարակումից հետո:
Հրապարակման մեջ նշված է եղել, որ հիդրօքսիքլորոքվին ընդունող մարդիկ մահվան և սրտի հետ կապված խնդիրների ավելի բարձր ռիսկայնություն ունեն, քան նրանք, ովքեր այն չեն ընդունում: Ֆրանսիացի բժիշկ, Ֆրանսիայի բժշկական գիտությունների պրոֆեսոր, վարակիչ հիվանդությունների մասնագետ Դիդյե Ռաուլը, որն ամիսներ առաջ տարածել էր հիդրօքսիքլորոքվինի՝ կորոնավիրուսի դեմ պայքարում բուժիչ հատկությունների մասին թեզը, դեմ է արտահայտվել բժշկական ամսագրում արված հրապարակմանը։
Հավելենք՝ այս դեղամիջոցի բուժիչ հատկությունների մասին վերջին շրջանում խոսում են կորոնավիրուսից ամենաշատ տուժած 2 երկրների՝ ԱՄՆ-ի և Բրազիլիայի ղեկավարները։ Նախորդ շաբաթ Դոնալդ Թրամփն անգամ հայտարարել էր, որ կորոնավիրուսի կանխարգելման համար անձամբ կիրառում է այդ դեղամիջոցը։ Բրազիլիայի նախագահը նույնպես կողմ էր արտահայտվում կորոնավիրուսի դեմ պայքարում հիդրօքսիքլորոքինի կիրառմանը:
Նելլի Մելքոնյան
