19.09.2026 | 20:00
«Հայաստան այցս հետաձգվում է ֆիզիկական սպառնալիքի մասին նախազգուշացման պատճառով»․ ռուս ընդդիմադիր գործիչ
ՀԱՊԿ ԱԳ նախարարները կենսաբանական անվտանգության ամրապնդման միջոցառումներն են քննարկում
Քաղաքականություն
26.05.2020 | 14:41
Հավաքական անվտանգության պայմանագրի կազմակերպության (ՀԱՊԿ) ԱԳ նախարարների այսօրվա նիստին քննարկվում են կենսաբանական անվտանգության ամրապնդմանն ուղղված միջոցառումները։ Նշենք, որ նիստին մասնակցում է նաև ՀՀ ԱԳ նախարար Զոհրաբ Մնացականյանը։
«Կորոնավիրուսային վարակը լուրջ փորձություն է դարձել, որն իր ազդեցությունն է ունենում միջազգային հարաբերությունների ամբողջ համակարգի վրա։ Այն մարտահրավեր է դարձել և՛ յուրաքանչյուր պետության, և՛ միջազգային կառույցների համար»,- ՀԱՊԿ ԱԳ նախարարների խորհրդի նիստի մեկնարկին ասել է ՌԴ ԱԳ նախարար Սերգեյ Լավրովը։
Նրա խոսքով՝ հիմա հարկավոր է վերլուծել, թե ինչ եզրահանգումներ են անհրաժեշտ՝ ՀԱՊԿ գործունեության համար։
«Հասկանալի է, որ ՀԱՊԿ ներուժը պահանջված է նման սպառնալիքին արձագանքելու համար՝ մեր երկրների քաղաքացիների առողջության և բարեկեցության ապահովման շահերից ելնելով։ Այդ պատճառով մենք առաջարկել ենք այսօր քննարկել կենսաբանական անվտանգութւյան ոլորտում համագործակցության զարգացմանն ուղղված առաջնահերթ միջոցառումները»,- հավելել է Լավրովը։
Նշենք, որ նիստի արդյունքներորվ ծրագրվում է ընդունել մի շարք համատեղ հայտարարություններ։
Միաժամանակ, հայկական կողմի առաջարկով, օրակարգում ներառվել է ՀԱՊԿ ԱԳ նախարարների խորհրդի հայտարարության մասին լրացուցիչ կետ՝ ի աջակցություն ՄԱԿ-ի գլխավոր քարտուղարի՝ COVID-19 համաճարակի պայմաններում կրակի գլոբալ դադարեցման մասին կոչին։
