29.04.2026 | 22:08
Կենտրոնում գրեթե ամբողջ շաբաթ փոշու պարունակությունը գերազանցել է սահմանային թույլատրելի կոնցենտրացիան
Թուրքիան PKK-ի դեմ Քանդիլում կարող է ռազմական գործողություն սկսել
Քաղաքականություն
16.11.2017 | 19:54
Թուրքիայի ներքին գործերի նախարար Սուլեյման Սոյլուն ակնարկել է Հյուսիսային Իրաքում գտնվող «Քուրդիստանի բանվորական կուսակցության» (ՔԲԿ-PKK) գլխավոր ռազմաբազայի՝ Քանդիլում ռազմական գործողություն իրականացնելու մտադրության մասին:
Թուրքական «Timeturk» լրատվական կայքի տեղեկացմամբ՝ այդ մասին նա խոսել է Թուրքիայի խորհրդարանում ունեցած ելույթի ժամանակ:
Նշելով,որ քուրդ զինյալների դեմ պայքարը երկարատև է լինելու, նա մասնավորապես ասել .
«Ես երբեք չեմ ասել թե հստակ երբ ենք վերջ դնելու PKK-ին: Ես միշտ փորձել եմ ներկայացնել ընթացիկ գործընթացը: Կամ աշնանը դա կանենք, կամ գարնանը: Մենք գիտենք թե ինչպես դա անել: Մեր նպատակը շատ հստակ է: Մենք կոչնչացնենք բոլոր ռազմաբաճամբարները, որոնք մեր սահմանից գտնվում են 25 կմ հեռավորության վրա: Շարժվելով դեպի Քանդիլ, մենք այնտեղ կմնանք և ցույց կտանք մեր ուժը»:
Հիշեցնենք, որ PKK-ն Թուրքիայում համարվում է ահաբեկչական կազմակերպություն:
