24.04.2026 | 23:32
Կապանում ջրանջատում կլինի
Մոնտենեգրոն դարձել է կորոնավիրուսից ազատված առաջին երկիրը․ Reuters
Քաղաքականություն
25.05.2020 | 21:52
Մոնտենեգրոն, որը եվրոպական վերջին երկիրն էր, ուր կորոնավիրուսը հասել էր, այժմ դարձել է կորոնավիրուսից ամբողջությամբ ազատված առաջին երկիրը։ Այս մասին հայտնել է երկրի վարչապետը․ փոխանցում է Reuters-ը։
«Սարսափելի վիրուսի հետ մենամարտը հաղթել ենք և այժմ Մոնտենեգրոն Եվրոպայում առաջին երկիրն է, որտեղ կորոնավիրուս չկա»,- մամուլի ասուլիսի ընթացքում հայտարարել է երկրի վարչապետ Դուսկո Մարկովիչը՝ հանելով պաշտպանիչ բժշկական դիմակը։
Մոնտենեգրոյի կառավարության պաշտոնական կայքից տեղեկանում ենք, որ երկրում մինչ օրս կորոնավիրուսով վարակվել է 324 քաղաքացի, որից 315-ը ապաքինվել է, իսկ 9-ը՝ մահացել։ 628 հազար բնակչություն ունեցող Մոնտենեգրոյում, հիշեցնենք, կորոնավիրուսի առաջին 2 դեպքը գրանցվել էր մարտի 17-ին։ Վարակակիրներից մեկը ժամանել էր ԱՄՆ-ից, մյուսը՝ Իսպանիայից։
Նելլի Մելքոնյան
