18.12.2025 | 23:24
ՀՀ տարածքում ավտոճանապարհները հիմնականում անցանելի են
Համաճարակով պայմանավորված ճգնաժամը Ռուսաստանին կարող է ագրեսիայի դրդել. Զուրաբիշվիլի
Քաղաքականություն
25.05.2020 | 18:39
Վրաստանի նախագահ Սալոմե Զուրաբիշվիլիի խոսքով, համաճարակով պայմանավորված ճգնաժամը հնարավոր է Ռուսաստանին սահմանից դուրս ագրեսիայի դրդել: Այս թեմայի շուրջ նախագահը խոսել է Financial Times-ի հետ հարցազրույցում. փոխանցում է aliq.ge-ն:
«Որպես Վրաստանի նախագահ կարող եմ հույս հայտնել` այս անգամ այդպես չի լինի և հնարավոր է ճգնաժամը Ռուսաստանի ղեկավարությանը ցույց տա, որ հնարավոր է խնդիրների լուծման համար տարբեր ուղիների դիմել»,- հայտարարել է Զուրաբիշվիլին:
Նախագահի խոսքով, Ռուսաստանը նոր ռիսկեր է ստեղծել նաև բռնազավթված տարածքներում, որտեղ վարակի տարածման պայմաններում Մոսկվան պակաս թափանցիկ է գործում: Նրա խոսքով, Ռուսաստանը «անհեթեթ» սահմանափակումներ է առաջ բերել՝ Հարավային Օսիայի բռնազավթված տարածքների մեր սեփական քաղաքացիներին օգնություն ցուցաբերելու հարցում։
