17.05.2026 | 12:40
ՄԻՊ-ը խիստ մտահոգիչ է համարում «Նուբարաշենի» հոգեբուժարանում արձանագրված ինքնասպանության դեպքը
Դիմակ ներկրողները գերշահույթ են ստանում․ինչո՞ւ եք ուշ արձագանքում․Ն․ Զոհրաբյանը՝ Գ․Գևորգյանին. ՏԵՍԱՆՅՈՒԹ
Տնտեսություն
25.05.2020 | 16:15
Դիմակ ներկրողները նախկինում էլ էին գերշահույթ ստանում, հիմա, առավել ևս, ստանում են սուպեր-սուպեր գերշահույթ։ Այս մասին այսօր Ազգային ժողովում ասաց «Բարգավաճ Հայաստան» խմբակցության պատգամավոր Նաիրա Զոհրաբյանը՝ դիմելով ՏՄՊՊՀ նախագահ Գեղամ Գևորգյանին։
Պատգամավորը նշեց, որ այսօր կրկին շրջել է 11 դեղատներով և որևէ տեղ 150 դրամով դիմակ չի գտել։
«210-220 դրամ, եղել է տեղ՝ անգամ 230 դրամ։ Եթե մենք հաշվում ենք, որ մեկ ընտանիքում կա նվազագույնը 4 անձ, և նրանք օրվա մեջ առնվազն 2 անգամ պետք է փոխեն դիմակը, այլապես այն դառնալու է առողջության համար խիստ վտանգավոր, եթե ճմրթված, կեղտոտ դիմակը պարբերաբար կրեն, ամսական ընտանիքի յուրաքանչյուր անդամը վճարելու է 20 հազար դրամ»,- նշեց պատգամավորը՝ ընդգծելով, որ այդ վիճակագրությունը պետք է ստիպի ՏՄՊՊՀ-ին լինել ավելի օպերատիվ գործողությւոններում։
ՏՄՊՊՀ նախագահը նշեց, որ որպեսզի կարողանան մարդուն պատասխանատվության ենթարկել, դրա համար առնվազն ժամանակ է պետք․ «Եթե նույնիսկ մեկ օրում գինը բարձրացնեն, մենք դրա համար որևէ բան չենք կարող անել, դա ամբողջ աշխարհի փորձն է»։
Մանրամասները՝ տեսանյութում։
