20.01.2026 | 13:19
Ռուսաստանի նավթավերամշակման գործարաններ մղվող նավթի ծավալը նվազել է՝ հասնելով 15 տարվա ամենացածր մակարդակին
Գյուղատնտեսական ապրանքների ոլորտում մթերողը գերիշխող դիրքում է․ Ծովինար Վարդանյանը՝ Գեղամ Գևորգյանին
Տնտեսություն
25.05.2020 | 16:11
Որոշ տարածաշրջաններում մթերողը գերիշխող դիրքերում է, և գյուղացիները հաճախ ստիպված են լինում այդ գնով վաճառել իրենց ապրանքը։ Թե՛ կաթնամթերքի շուկայում են նման դեպքեր եղել, թե՛ գյուղատնտեսական մյուս ապրանքների։ Այս մասին այսօր Ազգային ժողովում ասաց «Իմ քայլը» խմբակցության պատգամավոր Ծովինար Վարդանյանը՝ դիմելով ՏՄՊՊՀ նախագահ Գեղամ Գևորգյանին։
Վերջինը նշեց, որ գյուղատնտեսական շուկան ուսումնասիրել են միայն կորոնավիրուսի պայմաններում։
«Կաթի շուկայում, հավատացնում եմ, նման բան չկա։ Հենց հիմա կաթի շուկայի ուսումնասիրություն ենք անում՝ վերջնական արտադրանքի անբարեխիղճ մրցակցության բացահայտման տեսքով, և արդեն հայտնաբերել ենք խախտումներ։ Կարծում եմ՝ այլ տիրույթում է գտնվում խնդիրը։ Մենք չենք կարող միջամտել գնի ձևավորման հարցում, դա արգելված է օրենքով և լավ պրակտիկայի չի բերում։ Սա, կարծում եմ, ավելի շատ քաղաքականության մշակման և ասոցիացիաների խնդիր է, քան տնտեսական մրցակցության»,- նշեց ՏՄՊՊՀ նախագահը։
Մանրամասները՝ տեսանյութում։
