02.04.2026 | 22:24
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
«Արփի լիճ» ազգային պարկի անտառածածկ տարածքն ընդլայնվում է
24.05.2020 | 12:20
«Արփի լիճ» ազգային պարկի տարածքում իրականացվում է ծառատունկ: Ծառատունկն իրականցվում է պարկի բարդու և սոճու անտառների վերաճի տնկինեռրով: Այս տնկիները տարածքի բնակլիմայական պայմաններին հարմարեցված են և բարձր կպչողականություն են ապահովում:
Ծառատունկն իրականացվում է պարկի տարբեր տեղամասերում՝ Ախուրյանի կիրճում, Ալվար-Արտենիս տեղամասում և պարկի վարչական տարածքում: «Արդեն 15 օր է ինչ իրականացնում ենք ծառատունկը: Առաջիկա 2 օրերի ընթացքում կավարտենք աշխատանքները Ախուրյանի կիրճի տարածքում: Աշխատանքների ավարտից հետո, այս տարածքում կունենանք նոր տնկիների ավելի քան 1 հեկտար տարածք և անտառվերականգնման կես հեկտար տարածք: Ծառատունկ իրականացվում է նաև Արտենիս լճի հարակից տարածքում: Ավարտին կունենանք բարդու 500 ծառատնկի: Ծառատունկ իրականացվում է նաև պարկի վարչական շենքի տարածքում»,- «Արմենպրես»-ին տեղեկացրեց «Արփի լիճ ազգային պարկ»-ի տնօրեն Մուշեղ Մուրադյանը՝ նշելով, որ ծառատունկն իրականացվում է պարկի այն տարածքում, որտեղ մինչ այս երբեք ծառատունկ չի կատարվել:
Աշխատանքներն ամբողջությամբ իրականացվում են ազգային պարկի նախաձեռնությամբ ու ջանքերով: Ծառատունկին նաև միանում են հարակից գյուղերի բնակիչները: «Մեր կողմից իրականացվող ծառատունկին միանում են հարակից բնակավայրերի բնակիչները: Ոգևորվածությունը մեծ է, ինչն, անխոս, շատ կարևոր է»,-նշեց Մուշեղ Մուրադյանը:
