17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Աշխարհում կորոնավիրուսի դեպքերի թիվը 5․4 միլիոն է, որից 2․8 միլիոնը՝ ակտիվ. worldometers.info
Քաղաքականություն
24.05.2020 | 11:37
Աշխարհում COVID-19-ի հաստատված դեպքերի թիվն արդեն գերազանցել է 5․4 միլիոնը։ Worldometers.info վիճակագրական կայքի տվյալներով՝ դեպքերի ընդհանուր թիվը 5․408․187 է որից 2․815․240՝ ակտիվ։ Մահվան ելքերի թիվը 344․041 է։ 53․267 մարդ ծանր կամ ծայրահեղ ծանր վիճակում է։
Վարակման դեպքերի ամենամեծ ցուցանիշը գրանցվել է ԱՄՆ-ում՝ 1․666․828։ Մահվան դեպքերը 98․683 են։
Կորոնավիրուսի արդեն 349․113 հաստատված դեպք արձանագրած Բրազիլիայում, վերջին օրերին, վարակի աննախադեպ բռնկում է։ Իր այս ցուցանիշով երկիրը հայտնվել է 2-րդ հորիզոնականում։ Այնտեղ մինչ օրս կորոնավիրուսից մահվան 22․165 դեպք է գրանցվել։ Հայտնաբերված վարակակիրների թվով 3-րդ տեղում հարևան Ռուսաստանն է՝ 335․882 դեպքով։ Մահվան ելքերն այնտեղ 3․388 են։ 4-րդ հորիզոնականում Իսպանիան է՝ 282․370 հաստատված դեպքով և 28․678 մահվան ելքով։ Իսկ ահա Միացյալ Թագավորությունը, որտեղ մինչ օրս կորոնավիրուսի 257․154 դեպք է գրանցվել, շարունակում է եվրոպական երկրների շարքում մահացությունների թվով առաջատարը մնալ՝ 36․675 դեպքով։
Նելլի Մելքոնյան
