ՄԱԿ-ը մեկնարկում է գլոբալ նախաձեռնություն՝ ապատեղեկատվության դեմ պայքարելու համար

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Այսօր Միավորված ազգերի կազմակերպությունը (ՄԱԿ) մեկնարկում է «Հավաստի» (‘Verified’) նախաձեռնությունը, որի նպատակն է` պայքարել ՔՈՎԻԴ-19-ի վերաբերյալ աճող ապատեղեկատվության դեմ՝ մեծացնելով վստահելի և ճշգրիտ տեղեկատվության ծավալը:

«Մենք չենք կարող թույլ տալ, որ վիրտուալ տարածքը հեղեղվի ոչ ճշմարտացի, վախ և ատելություն պարունակող տեղեկատվությամբ», – նշել է ՄԱԿ-ի Գլխավոր քարտուղար Անտոնիո Գուտերեշը՝ նախաձեռնության մեկնարկի մասին հայտարարելիս: «Ապատեղեկատվությունը տարածվում է առցանց, հաղորդագրական հավելվածներով և անմիջական շփման ժամանակ: Ապատեղեկատվությունը տարածողները կիրառում են դրանք ստեղծելու և տարածելու հմուտ մեթոդներ: Դրան հակազդելու համար` գիտնականներն ու ՄԱԿ-ի նման հաստատությունները պետք է մարդկանց հասցնեն ճշգրիտ և վստահելի տեղեկատվություն»:

«Հավաստի» նախաձեռնությունը, որը գլխավորում է ՄԱԿ-ի գլոբալ հաղորդակցությունների բաժինը, տեղեկատվություն կտրամադրի երեք հիմնական թեմաների շուրջ՝

§ գիտություն` կյանքեր փրկելու համար

§ համերաշխություն՝ տեղական և համաշխարհային համագործակցությունը խթանելու համար

§ լուծումներ՝ համավարակից տուժած բնակչությանը աջակցելու համար

Նախաձեռնությունը խթանելու է նաև վերականգնմանն ուղղված այն փաթեթները, որոնց նպատակն է՝ վերացնել կլիմայական ճգնաժամի և աղքատության, անհավասարության ու սովի խորքային պատճառները:

Նախաձեռնությունը կոչ է անում աշխարհի բոլոր մարդկանց դառնալ «տեղեկատվության կամավորներ»՝ տարածելու վստահելի նյութեր՝ իրենց ընտանիքներն ու համայնքները անվտանգ պահելու համար: Կամավորները, որպես թվային հարթակների առաջնային աձագանքողներ, կստանան հավաստի տեղեկատվություն՝ օպտիմիզացված սոցիալական հարթակներով տարածելու համար։ Դրանք կպարունակեն պարզ, համոզիչ հաղորդագրություններ, որոնք ուղղակիորեն կպայքարեն ապատեղեկատվության դեմ կամ կլրացնեն տեղեկատվական բացը:

ՄԱԿ-ի Գլոբալ հաղորդակցությունների բաժինը համագործակցելու է ՄԱԿ-ի գործակալությունների, ՄԱԿ-ի գրասենյակների, հեղինակավոր անձնանց, քաղաքացիական հասարակության, մասնավոր հատվածի և մեդիա ոլորտում գործող կազմակերպությունների հետ՝ վստահելի, ճշգրիտ տեղեկատվություն տարածելու համար, ինչպես նաև՝ սոցիալական ցանցերի հետ՝ ատելություն և վնասակար բովանդակություն պարունակող տեղեկատվությունն արմատախիլ անելու համար:

«Շատ երկրներում թվային ալիքներով շրջանառվող ապատեղեկատվությունը խոչընդոտում է հանրային առողջությանն ուղղված արձագանքը և անհանգստություն սերմանում: Ջանքեր են գործադրվում օգտագործելու ճգնաժամը՝ նատիվիզմ քարոզելու կամ փոքրամասնություններին թիրախավորելու համար։ Այս իրավիճակը վատթարանում է, երբ հասարակություններում աճում է լարվածությունը և զգացնել են տալիս ճգնաժամի տնտեսական և սոցիալական հետևանքները», – նշել է ՄԱԿ-ի Գլոբալ հաղորդակցության գծով գլխավոր քարտուղարի տեղակալ Մելիսա Ֆլեմինգը (Melissa Fleming), – ««Հավաստի» նախաձեռնությունը պայքարելու է նաև այս միտման դեմ՝ տարածելով հուսադրող տեղեկատվություն, որը ողջունում է տեղական մարդասիրական գործունեությունը, փախստականների և միգրանտների կողմից արվող ներդրումը և հիմք է հանդիսանում գլոբալ համագործակցության համար»:

Նախաձեռնությունը իրականացվել է աշխարհի առաջատար, սոցիալական մոբիլիզացման ոլորտում հայտնի կազմակերպություններից մեկի՝ «Purpose»-ի հետ համագործակցությամբ: Այն նաև աջակցում են IKEA հիմնադրամն ու «Luminate»-ը:

IKEA հիմնադրամի ծրագրերի գլխավոր ղեկավար Պատրիսիա Ատկինսոնը (Patricia Atkinson) նշել է. «ՔՈՎԻԴ-19 ճգնաժամը աննախադեպ համաշխարհային առողջապահական ճգնաժամ է: IKEA հիմնադրամը հպարտությամբ աջակցում է «Հավաստի» նախաձեռնությանը, որի նպատակն է համոզվել, որ յուրաքանչյուրին հասանելի են վստահելի տեղեկատվություն և խորհուրդներ՝ անհրաժեշտ իրենց ընտանիքներին ու սիրելիներին անվտանգ պահելու համար»:

«Luminate»-ի տնօրեն Նիշանտ Լալվանին (Nishant Lalwani) իր հերթին ավելացրել է. «ՔՈՎԻԴ-19-ը ընդգծում է, որ ճշգրիտ, վստահելի տեղեկատվության հասանելիությունը կարող է կարևոր լինել վախի և դիմացկունության, պառակտման և միասնության և նույնիսկ՝ կյանքի ու մահվան ընտրության գործում։ Մենք հպարտ ենք, որ աջակցում ենք «Հավաստի» նախաձեռնությանը և կորոնավիրուսային վարակի «ինֆոդեմիայի» դեմ ուղղված վերջինիս աշխատանքին՝ տարածելով վստահելի, գիտահեն տեղեկատվություն՝ աշխարհում մարդկանց և համայնքներին պաշտպանելու համար»: