06.05.2024 | 23:35
Պարեկները ապրիլի 29-ից մայիսի 6-ը Երևանում հայտնաբերել են 4 123, մարզերում՝ 12 068 խախտում
Կանանց իրավունքների հիմնահարցերի բարձրաձայնում՝ արվեստի միջոցով. ՈՒՂԻՂ
Հասարակություն
21.05.2020 | 21:00
Մուղդուսյան արվեստի կենտրոնում մեկնարկել է «Երգը հանուն իրավունքի» ծրագիրը: Կենտրոնի «Նաիրյան» վոկալ անսամբլը երաժշտության միջոցով բարձրաձայնում է կանանց իրավունքների հիմնահարցերը:
Կենտրոնն ուսումնասիրել է հայկական երաժշտական ժառանգությունը՝ ավելի քան 900 երգ, և նկատել, որ կանանց նկատմամբ բռնությունը հիմնականում ներմուծվել է օտար մշակույթներից, ինչը, սակայն, հաճախ արտահայտվում է նաև մեր ազգային երաժշտության մեջ։ Ծրագրի նպատակն է՝ ցույց տալ, որ հայկական մշակույթում կանայք ամենևին էլ ստորադասված չեն եղել, իսկ Հայաստանում արձանագրվող կանանց բռնության դեպքերն ամենևին էլ մեր ազգային դիմագծին բնորոշ երևույթներ չեն ու խորապես դատապարտելի են։
Նշենք, որ 2015-2019թթ. Հայաստանում գրանցվել է ընտանեկան բռնության ավելի քան 5.000 ահազանգ, մեծ մասը՝ ամուսնու կողմից կնոջ նկատմամբ գործադրված բռնության մասին: 2017-2019թթ. ՀՀ քննչական կոմիտեն քննել է ընտանեկան բռնությանը վերաբերող 1.612 քրեական գործ։ «Ընդդեմ կանանց նկատմամբ բռնության» կոալիցիայի տվյալներով՝ ամեն տարի Հայաստանում առնվազն 10 կին սպանվում է ամուսնու կամ զուգընկերոջ կողմից։
Հավելենք նաև Մուղդուսյան արվեստի կենտրոնը ծրագիրն իրականացնում է Բաց հասարակության հիմնադրամներ-Հայաստանի աջակցությամբ:
