25.02.2026 | 10:03
Արտարժույթների փոխարժեքները՝ փետրվարի 25-ի դրությամբ
Ընտանեկան բռնությունների վերաբերյալ փաթեթը գործադիրի օրակարգում է
15.11.2017 | 21:17
Կառավարությունը վաղվա նիստում պատրաստվում է հավանություն տալ « Ընտանիքում բռնության կանխարգելման, բռնության ենթարկված անձանց պաշտպանության և ընտանիքում համերաշխության վերականգնման մասին օրենքի» նախագծին և դրանից բխող օրԵնսդրական փոփոխությունների փաթեթին:
Օրենքի ընդունումը բուռն քննարկումներ էր առաջացրել հանրային բոլոր հարթակներում: Օրենքի ընդդիմախոսները պնդում են, որ այն վտանգելու է ավանդական հայ ընտանիքի հիմքերը, երեխաներին հանելու է ծնողների դեմ, կանանց՝ ամուսինների, ինչի արդյունքում նոր, էլ ավելի մեծ խնդիրներ է առաջ բերելու: Օրենքի կողմնակիցները, մինչդեռ, բռնությունների կանխարգելման անհրաժեշտությունը փաստարկում են վիճակագրությամբ: Ըստ ոստիկանության տվյալների, 2017 թվականի ինը ամիսների արդյունքներով քննվել է ընտանեկան բռնության 602 դեպք, որից 142-ով հարուցվել են քրեական գործեր: 2016 թվականի նույն ժամանակահատվածում գրանցվել է 521 դեպք, որից 97-ով հարուցվել են քրեական գործեր: Իգական սեռի ներկայացուցիչների նկատմամբ ընտանեկան բռնության դեպքերը 2017 թվականի ինը ամիսների ընթացքում հասել են 1791-ի՝ 2016 թվականի 1875-ի դիմաց: 2017 թվականի ինը ամիսների ընթացքում գրանցվել է անչափահասների նկատմամբ բռնության 146 դեպք, որից սեռական անձեռնմխելիության և սեռական ազատության դեմ ուղղված հանցագործությւնները 52-ն են:
Նշենք, որ այս օրենքի դեմ հնչում են նաեւ ծայրահեղ հայտարարություններ: Խաչիկ Ստամբոլցյանն, օրինակ, այսօր հայտարարել է, որ օրենքի ընդունման դեպքում ինքը զինված պայքար է սկսելու:
Սյուզան Սիմոնյան
