24.04.2026 | 23:32
Կապանում ջրանջատում կլինի
Աշխարհում կորոնավիրուսով վարակման դեպքերը գերազանցել են 5 միլիոնը. 31.3%-ը բաժին է ընկնում ԱՄՆ-ին
Քաղաքականություն
20.05.2020 | 13:30
Աշխարհում կորոնավիրուսով վարակման հաստատված դեպքերի թիվը, ըստ worldometers.info վիճակագրական կայքի, հատել է 5 միլիոնի սահմանը՝ հասնելով 5.002.783-ի։
Վարակման դեպքերի թվով առաջատարն ԱՄՆ-ն է։ Այնտեղ մինչ օրս կորոնավիրուսով 1.570.583 վարակակիր է հայտնաբերվել, ինչն աշխարհում գրանցված դեպքերի 31.3%-ն է։
Երկրորդ տեղում Ռուսաստանն է՝ 308.705 հաստատված դեպքով։ Միայն վերջին 24 ժամում այնտեղ 8.764 նոր դեպք է արձանագրվել։ Վարակակիրների թվով 3-րդ տեղում Իսպանիան է՝ 278.803 դեպքով։
Վերջին շրջանում կորոնավիրուսի տարածման տեմպն աճել է Բրազիլիայում՝ երկիրը դարձնելով վարակման հաստատված դեպքերի թվով աշխարհում 4-րդը։ Այնտեղ մինչ օրս 271.885 վարակակիր է հայտաբերվել։ Եվրոպական երկրների շարքում կորոնավիրուսից մահացության ամենաբարձր ցուցանիշը գրանցած Միացյալ Թագավորությունը 5-րդ տեղում է՝ մինչ օրս գրանցած 248.818 դեպքով։
Կորոնավիրուսի բռնկման եվրոպական ամենամեծ օջախներից Իտալիայում վարակի տարածման տեմպը վերջին շրջանում նվազել է՝ հաստատված դեպքերի թիվը հասցնելով 226.699-ի։ Առայսօր կորոնավիրուսից մահվան ելքերի ամենաբարձր ցուցանիշն աշխարհում գրանցել է ԱՄՆ-ն՝ 93.533 մահվան դեպքով։
Ընդհանուր առմամբ՝ աշխարհում կորոնավիրուսից մահացածների թիվը 325 հազարից ավելի է։ Վարակման ակտիվ դեպքերը, վերջին տվյալներով, 2.705.887-ն են, որոնցից 45.397-ը՝ ծանր կամ ծայրահեղ վիճակում։
Աշխարհում կորոնավիրուսից ապաքինվել է 1.971.353 է։
Նելլի Մելքոնյան
