25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Գերմանիայում պահանջում են Հայոց ցեղասպանության զոհերի հիշատակին հուշարձաններ կանգնեցնել
Քաղաքականություն
15.11.2017 | 20:38
Գերմանիայում գործող «Վտանգված ժողովուրդներ» իրավապաշտպան կազմակերպությունը պահանջում է գերմանական քաղաքներում Հայոց ցեղասպանության և այլ քրիստոնյա փոքրամանսությունների զոհերի հիշատակին նվիրված հուշարձաններ կանգնեցնել:
Ինչպես տեղեկացնում է «Deutsche Welle» լրատվամիջոցի թուրքական ծառայությունը, իրավապաշտպան կազմակերպությունը պահանջը ներկայացրել է Գերմանիայի քաղաքների կոնգրեսին. փոխանցում է EH-ն: Պահանջ-նամակը փոխանցվել է կոնգրեսի նախագահ Եվա Լոհսեին:
«Վտանգված ժողովուրդներ» կազմակերպության ներկայացուցիչ Քեմալ Սիդոն նշել է, որ Գերմանիան տեղյակ է եղել Օսմանյան Կայսրության կողմից իրագործվող կոտորածների մասին:
«Այդ իսկ պատճառով շատ կարևոր է ջանքեր գործադրել, որպեսզի այստեղ ապրող հայերին և մյուս տուժած ժողովուրդների ներկայացուցիչներին թույլ չտանք, որ մոռանան կատարվածը, և մի վայր հատկացնենք, որտեղ հարգանքի տուրք կմատուցեն զոհերին»:
Կազմակերպության հայտարարության մեջ նշվում է, որ Օսմանյան Կայսրությունը բացի հայերի ցեղասպանությունից իրականացրել է նաև այլ քրիստոնյա փոքրամասնությունների կոտորածներ, որոնց զոհ են դարձել մոտ 1.5 միլիոն մարդ:
